aviabiletebi
ახალი ამბები მთავარი საზოგადოება

“ღარიბი ქვეყნები “ფაიზერისგან” 40 მილიონ ვაქცინას მიიღებენ” – ჯანმო

aviabiletebi
ავიაბილეთები

“ფაიზერი” მზად არის კოვაქსის პლატფორმას 40 მილიონი კოვიდ19-ის საწინააღმდეგო ვაქცინა გადასცეს. – ამის შესახებ განცხადება ჯანდაცვის მსოფლიო ორგანიზაციამ ცოტა ხნის წინ გააკეთა.

ჯანმოს ხელმძღვანელის თქმით, გრძელდება მოლაპარაკებები ასტრაზენეკასა და ოქსფორდის წარმომადგენლებთან და დადებითი გადაწყვეტილების შემთხვევაში, ღარიბი ქვეყნები დამატებით 150 მილიონ დოზას მიიღებენ.

“მოხარული ვარ გაცნობოთ, რომ კოვაქსის პლატფორმა ფაიზერ-ბიოტექისგან კოვიდ19-ის საწინააღმედგო 40 მილიონ ვაქცინას მიიღებს. ხელმოწერა შეთანხმებაზე დღეს შედგა. მოლაპარაკებები გრძელდება ასტრაზენეკასა და ოქსფორდის წარმომადგენლებთან, რაც შესაძლებლობას მოგვცემს დამატებით 150 მილიონ ვაქცინაზე ხელმისაწვდომობის,”- ამბობს ჯანდაცვის მსოფლიო ორგანიზაციის ხელმძღვანელი.

ცნობისთვის, ოფიციალური ინფორმაციით, კოვაქსის პლატფორმა 40 მილიონი დოზის განაწილებას უახლოეს დღეებში დაიწყებს, რაც ნიშნავს, რომ ქვეყნებს საშუალება ექნებათ ვაქცინაციის პროცესი თებერვლიდან დაიწყონ. ვაქცინების ეს რაოდენობა კი 20 მილიონი ადამიანისთვის იქნება საკმარისი.

შესაძლოა ამ სიაში საქართველოც მოხვდეს. კოვაქსის პლატფორმასთან საქართველო აქტიურად თანამშრომლობს. 2020 წლის მიწურულს დაავადებათა კონტროლის ცენტრის ხელმძღვანელმა ამირან გამყრელიძემ თქვა, რომ კოვაქსს საქართველომ რამდენიმე მილიონი წინასწარ გადაუხადა, რათა როგორც კი გაჩნდებოდა საშუალება ქვეყანას კოვიდ19-ის საწინააღმდეგო ვაქცინა მიეღო. საქართველოს ვაქცინებით ამერიკის შეერთებული შტატებიც დაეხმარება.

იტვირთბა....