პოლიციამ ფოთის საქალაქო სამმართველოს ინსპექტორ-გამომძიებელი დააკავა, რომელსაც ბრალად უფლებამოსილების ბოროტად გამოყენება ედება. აღნიშნულ ინფორმაციას შინაგან საქმეთა სამინისტრო ავრცელებს.
ინსპექტორ-გამომძიებელის დაკავება მოსამართლის განჩინების საფუძველზე მოხდა.
შინაგან საქმეთა სამინისტროს გენერალური ინსპექცია სამსახურეობრივი უფლებამოსილების ბოროტად გამოყენების ფაქტზე გამოძიებას საქართველოს სისხლის სამართლის კოდექსის 332-ე მუხლის პირველი ნაწილით აგრძელებს.
დანაშაული სამ წლამდე ვადით თავისუფლების აღკვეთას ითვალისწინებს.