“ნაციონალური მოძრაობის” თავჯდომარე, ნიკა მელია სოციალურ ქსელში მიმართვას ავრცელებს.
მელია აღნინშული მიმართვით დღეს, “ქართული ოცნების” ყრილობას ეხმიანება, რომელსაც “მეტრონომი” უცვლელად გთავაზობთ.
“დღეს დიდი ქარაქუცობა იქნება- ქართული ოცნება ყრილობას მართავს და იმას „ირჩევს“, ვინც უკვე არჩეულია ოლიგარქის მიერ. ოლიგარქის, რომელიც ოპოზიციურ პარტიებს იხსენიებს „ქარაქუცა პარტიებად“.
არადა, რა უნდა იყოს იმაზე დიდი ქარაქუცობა, რაც დღეს მოხდება – უკვე არჩეულის „ასარჩევად“ ამხელა აურზაური ექნებათ..
ხალხის, და ხალხის მიერ არჩეული – არჩევნებში რეალურად გამარჯვებული ოპოზიციის საბოლოო გამარჯვება გარდაუვალია.
ახლა მთავარია თანმიმდევრული, უკომპრომისო ბრძოლა და რაც ყველაზე გადამწყვეტია, რწმენა იმისა რომ გავიმარჯვებთ.
რომ გაიმარჯვო, ჯერ უნდა დაიჯერო რომ გაიმარჯვებ!” – წერს ნიკა მელია სოციალურ ქსელში.
შეგახსენებთ, რომ დღეს, პოლიტიკური გაერთიანება „ქართული ოცნება – დემოკრატიული საქართველო“ ყრილობას გამართავს. ყრილობაზე პარტიის ახალი თავმჯდომარისა და პოლიტიკური საბჭოს განახლებულ შემადგენლობის არჩევა იგეგმება.