“ამ ეტაპზე გამოვლენილია ალერგიული რეაქციების შემთხვევები, თუმცა ეს განგაშის საფუძველს არ იძლევა,” – ამის შესახებ ალერგოლოგ-იმუნოლგმა, ბიძინა კულუმბეგოვმა “ამბები.გე”-სთან ვაქცინების ალერგიული რეაქციების შესახებ საუბრისას განაცხადა.
რაც შეეხება, ფილერისა და “მოდერნას” ვაქცინის ურთიერთმიმართებას, ალერგოლოგი მიიჩნევს, რომ ამ ეტაპზე ამაზე საუბარი ნაადრევია.
“ასეთი ერთეული შემთხვევები გამოვლინდა “ფიზერის” და “მოდერნას” ვაქცინების შემთხვევებში. საგანგაშო არცერთი ყოფილა, რაიმე ტრაგიკული შემთხვევა, გარდაცვალება რომ გამოეწვიოს ან მსგავსი, არ მომხდარა. ალერგიული ადამიანები მეტი სიფრთხილით აიცრებიან, დააკვირდებიან მათ, დატოვებენ კაბინეტში ვაქცინის გაკეთებიდან გარკვეული პერიოდი და რისკები მინიმუმამდე იქნება შემცირებული.
რაც შეეხება ფილერისა და მოდერნას ვაქცინის ურთიერთმიმართებას, ამას მეცნიერული საფუძველი არ გააჩნია. ეს იყო ამერიკულ მედიაში გავრელებული ცნობები, რომელსაც სჭირდება ზუსტი ექსპერტული დასაბუთება. ამიტომ დაველოდოთ, ამ ეტაპზე ამაზე რაიმე კონკრეტულ კომენტარა ვერ გავაკეთებ” – ამბობს ბიძინა კულუმბეგოვი