მორიგი მუქარა ტერორისტების მხრიდან
ისლამური სახელმწიფოს ფრანგმა მებრძოლებმა მუქარის მორიგი ვიდეო გამოაქვეყნეს. ნიღბიანი პირი ფრაგულად მიმართავს პრეზიდენტ ფრანსუა ოლანდს: „ეს ის არის, რაც არ გინდათ რომ მოხდეს – ჩვენ მოვალთ, მოვალთ თქვენი ქვეყნის მიწასთან გასასწორებლად. ეი, შენ, ფრანსუა, შენ ომი გამოაცხადე, რომელსაც ვერ მოიგებ. ვერ შეძლებ მოგებას. შენ შენს ხალხს გამარჯვებას პირდები – ეს დასავლეთის ხალხია, მაგრამ ჩვენმა შემქმნელმა, უფალმა გამარჯვება ჩვენ აღგვიქვა“.
შეგახსენებთ, რომ ცოტა ხნით ადრე კიდევ ერთი ვიდეო გამოჩნდა, რომელშიც ტერორისტებმა 2009 წლის ფილმიდან აღებული ეიფელის კოშკის ნგრევის კადრები გამოიყენეს.