რუსებმა დნეპროპეტროვსკის ოლქის ქალაქი ნიკოპოლი დრონებით დაბომბეს, რის შემდეგაც 5 ადამიანი დაიღუპა, 20 კი დაიჭრა.
დაღუპულებს შორის სამი ქალია, ორი კი კაცი. დაჭრილებს შორისაა 14 წლის გოგონა, მისი მდგომარეობა მძიმეა.
როგორც უკრაინის გენერალური პროკურატურა და ოლქის ადმინისტრაცია იუწყება, თავდასხმა განხორციელდა ქალაქის ბაზარზე, სადაც ხანძარი გაჩნდა.
ნიკოპოლი ფრონტის ხაზთან ახლოს მდებარეობს და ის რეგულარულად ექვემდებარება დრონებით თავდასხმებს.