“კორონავირუსის ახალ სახეობას, რომელიც ამ დროისთვის ბრიტანეთში ვრცელდება, უჩველოდ ბევრი მუტაცია აქვს” – “ბიბისი”

კორონავირუსის ახალ სახეობას, რომელიც ამ დროისთვის ბრიტანეთში ვრცელდება, უჩველოდ ბევრი მუტაცია აქვს – აღნიშნულ ინფორმაციას “ბიბისი“ ვირუსოლოგ პროფესორ, ვენდი ბარკლაიზე დაყრდნობით ავრცელებს.

ლონდონის საიმპერიო კოლეჯის ინფექციური დაავადებების განყოფილების ხელმძღვანელმა, პროფესორმა ბარკლაიმ „ბიბისი“ რადიო 4-თან ინტერვიუში განაცხადა, რომ ჩვეულებრივი ვირუსები ერთმანეთისგან ერთი ან ორი ცვლილებით განსხვავდებიან, მაგრამ ახალ შტამს ერთდროულად 22 მუტაცია აქვს.

„ეს არის ერთგვარი საგანგაშო ზარი, მაგრამ ბიოლოგიურად შესაძლებელია, რომ ვირუსმა შესაძლოა, შეცვალოს მისი ქცევა ამ მუტაციების გამო“,- აღნიშნა ვენდი ბარკლაიმ.