“ღმერთი ბუაა, ბოროტია, პატივმოყვარეა, მიუტევებელია! ლამის სისხლით „განწმენდის“ ქადაგებაზე გადავიდნენ” – გამზარდია სინოდის წევრებზე

“დამშვიდდით ხალხო, დამშვიდდით, ნუ აძულებთ ადამიანებს ღმერთს,” – აღნიშნულით ანალიტიკოსი, არჩილ გამზარდია მეუფეების ქადაგებების შინაარსს ეხმიანება.

როგორც ანალიტიკოსი სოციალურ ქსლში წერს, სინოდის ზოგიერთ წევრი ცდილობს, მრევლი ღმერთით დააშინოს, რაც არასწორია.

„ჩვენი სინოდის ზოგიერთ წევრს ვუყურებ, მგონი არა თუ ახალი აღთქმით არ სარგებლობენ, არც ძველით და საერთოდაც რის მიხედვით მოქმედებენ, ვერაფრით დგინდება.

მათი ძირითადი დისკურსია, რომ ღმერთი ბუაა, ბოროტია, პატივმოყვარეა, მიუტევებელია და ა.შ. ლამის სისხლით „განწმენდის“ ქადაგებაზე გადავიდნენ.

დამშვიდდით ხალხო, დამშვიდდით, ნუ აძულებთ ადამიანებს ღმერთს,” – წერს გამზარდია.