“ჩვენ ვდგავართ თურქეთის გვერდით”- ნატოს გენერალურმა მდივანმა იენს სტოლტენბერგმა, თურქეთის მოთხოვნით NATO-ს შტაბ-ბინაში საგანგებო სხდომის დასრულების შემდეგ განცხადება გააკეთა. სტოლტენბერგმა საგანგებო ბრიფინგზე დღეს თურქეთ-სირიის საზღვარზე, თურქული მხარის მიერ რუსული მოიერიშე თვითმფრინავის ჩამოგდების ფაქტთან დაკავშირებით ისაუბრა.
მისი თქმით, საბჭოს სხდომაზე ალიანსის წევრებმა თურქეთის ელჩისგან მოისმინეს დეტალური ინფორმაცია მომხდართან დაკავშირებით. ალიანსის მდივანი ამბობს, რომ ნატო გააგრძელებს სამხრეთ საზღვრების მონიტორინგს.