ბოლო 24 საათის განმავლობაში აზერბაიჯანში კორონავირუსის 4 077 ახალი შემთხვევა გამოვლინდა.
ქვეყნის მასშტაბით დაინფიცირებულთა საერთო რიცხვი 187 336-მდე გაიზარდა.
ამის შესახებ ინფორმაციას ადგილობრივი მედია მინისტრთა კაბინეტთან არსებულ ოპერატიულ შტაბზე დაყრდნობით ავრცელებს.
ამასთან, ბოლო დღე-ღამეში კოვიდ 19-ით გარდაცვალების 43 ახალი ფაქტი დაფიქსირდა და დაღუპულთა რიცხვმა 2 050-ს მიაღწია. აზერბაიჯანში ვირუსისგან გამოჯანმრთელდა 122 859 პაციენტი. ამჟამად აქტიური შემთხვევების რიცხვი 62 427-ია.