გაეროს გენერალური მდივნის მრჩეველი ჯანდაცვის სფეროში, გიორგი ფხაკაძე, სოციალურ ქსელში, წერს:
„ერთადერთი გამოსავალია (ვაქცინა ახლო მომავალში არ იქნება, ეს დიდი სალაპარაკო თემაა) პირბადე ცხვირზე; აუცილებლად ორმეტრიანი დისტანცია, (არავის ვეკარები); როცა შედიხართ სახლში, 20 წამი დაიბანეთ საპნით, ვირუსს არ ევასება საპონი…
ვიცი, რომ ცივა, მაგრამ თუ თქვენ ოფისში ხართ და უცხო ხალხი შემოდის, არავითარ შემთხვევაში არ ჩართოთ კონდიციონერები და არ იყოთ ჩაკეტილ ოთახში. აუცილებლად გააღეთ ფანჯარა და კარი, უნდა იყოს განიავება, ეს არის საუკეთესო წამალი. ეს არის ვაქცინაზე უკეთესი წამალი.
განიავების გამო ეს ვირუსი წავა. ყოველდღე ვცდილობ, გავიარო ათი ათასი ნაბიჯი. სტრესის წინააღმდეგაც კარგია და პოზიტივიც მნიშვნელოვანია. კაცობრიობამ გადაიტანა ბევრი ვირუსი, მაგრამ ჩვენ გადავრჩით” – წერს გორგი ფხაკაძე.