aviabiletebi
ახალი ამბები მთავარი სამართალი

პროკურატურა: “შვილს სისტემატურად ემუქრებოდა მოკვლით, ცემით, სახლის დაწვით”

aviabiletebi
ავიაბილეთები

თერჯოლის მუნიციპალიტეტის სოფელ ძევრში 11 წლის მოზარდის გარდაცვალების სამქესტან დაკავშრებიტ პროკურატურა განცხადებას ავრცელებს. განცხადებაში აღნიშნულია, რომ მოზარდის, ავთო აბჟანდაძის თვითმკვლელობამდე მიყვანის ფაქტზე დაკავებულ მამას ბრალი დაუმძიმდა და გამოძიება მას ახლა არასრულწლოვანი შვილის არაადამიანურ მდგომარეობაში ჩაყენების და მეუღლის მიმართ სისტემატიური შეურაცხყოფისა და დამცირების მუხლითაც ედავება.

პროკურატურის ინფორმაციით, გამოძიებით დადგინდა, რომ ბრალდებული მის შვილს სისტემატურად ემუქრებოდა მოკვლით, ასევე, სახლის და მისთვის სასურველი ნივთების დაწვით.

„შინაგან საქმეთა სამინისტროს მიერ ჩატარებული გამოძიებით დადგინდა, რომ თერჯოლის რაიონის სოფელ ძევრში, ალკოჰოლური თრობის ქვეშ მყოფი ფ.ა. არასრულწლოვან შვილს ა.ა.-ს არაადამიანურად ეპყრობოდა – სისტემატურად ემუქრებოდა მოკვლით, ცემით, სახლის და მისთვის სასურველი ნივთების დაწვით. ასევე, ფ.ა. არასრულწლოვანი შვილის თანდასწრებით, ტელეფონით საუბრისას, საზღვარგარეთ მყოფ მეუღლეს ნ.ა.-ს სისტემატურად ამცირებდა და შეურაცხყოფას აყენებდა.

ბრალდებულის მხრიდან განხორციელებული ქმედებების შედეგად, მისი არასრულწლოვანი შვილი მუდმივი სტრესის და შიშის ქვეშ იმყოფებოდა, რის გამოც 2020 წლის 23 აგვისტოს, მან თავის საცხოვრებელი სახლის ეზოში თავი მოიკლა.

ფ.ა.-ს დაზუსტებული ბრალდება საქართველოს სისხლის სამართლის კოდექსის 11 პრიმა, 115-ე მუხლის პირველი ნაწილით (თვითმკვლელობამდე მიყვანა), 126-ე პრიმა მუხლის მე-2 ნაწილის „ბ“ ქვეპუნქტით (ოჯახის წევრის მიმართ სისტემატური შეურაცხყოფა და დამცირება, ჩადენილი არასრულწლოვნის თანდასწრებით), 11 პრიმა, 144-ე ტერცია მუხლის მე-2 ნაწილის „ზ“ ქვეპუნქტით (პირის არაადამიანურ მდგომარეობაში ჩაყენება, ჩადენილი არასრულწლოვნის მიმართ) წარედგინა, რაც სასჯელის სახედ და ზომად 5-დან 10 წლამდე თავისუფლებას აღკვეთას ითვალისწინებს,”-ნათქვამია ინფორმაციაში.

შეგახსენებთ, რომ 23 აგვისტოს სამართალდამცავებმა შვილის თვითმკვლელობამდე მიყვანის ბრალდებით თერჯოლაში მოზარდის მამა, ფრიდონ აბძანდაძე დააკავეს, როგორც ადგილობრივები აცხადებენ, მამა მოზარდს და ცოლს ხშირად სცემდა. ამასთან, ოჯახის წევრები ვარაუდობენ, რომ მამას შვილი ცემის დროს შემოაკვდა და შემდეგ თვითმკვლელობის ინსცენირება მოახდინა. სისხლის სამართლის საქმეზე გამოძიება გრძელდება“, –

 

იტვირთბა....