დაავადებათა კონტროლის ცენტრის ხელმძღვანელის, ამირან გამყრელიძის შვილი ნიკოლოზ გამყრელიძე “ფეისბუქ-პოსტს” აქვეყნებს და საზოგადოებას მიმართავს.
“ბევრი შეგვიძლია ვიკამათოთ შემზღუდავი ღონისძიებების ადექვატურობის შესახებ დროშიც და სიმკაცრის მიხედვით.
ფაქტი ვფიქრობ ერთია:
1. ჯანდაცვის სისტემა დღეს ბევრად უფრო მომზადებული ხვდება პოტენციურ ფართომაშტაბიან გავრცელებას ვიდრე რამოდენიმე თვის წინ იყო და ეს ფაქტი მნიშვნელოვნად ამცირებს სისტემის დაქაოსების და პარალიზების რისკებს.
2. ექსპერტობა ძალიან მარტივია, საქმის კეთებაა რთული.
3. დავიცვათ წესები და გავუფრთხილდეთ და მხარში დავუდგეთ ერთმანეთს და მოვერევით ამ გამოწვევას.
გაძლება და წარმატება ყველა წინა ხაზზე მდგომს“ – წერს გამყრელიძე.
ცნობისათვის, დღეს ქვეყანაში კორონავირუსის 165 ახალი შემთხვევა გამოვლინდა.