ოკუპანტების მიერ გატაცებული და ცხინვალის ციხეში უკანონო პატიმრობაში მყოფი ხვიჩა მღებრიშვილის ოჯახი კვლავ ხელისუფლებას მიმართავს და დახმარებას ითხოვს. ისინი იმედოვნებენ, რომ მღებრიშვილის დროული გათავისუფლება მოხერხდება, წინააღმდეგ შემთხვევაში მასიური აქციების გამართვას არ გამორიცხავენ.
მათი და ოკუპანტების მიერ სხვა გატაცებულების მხარდასაჭერად, 3 სექტემბერს, მეჯვრისხევში ანტისაოკუპაციო მოძრაობის, “ძალა ერთობაშია” ლიდერებიც ჩავიდნენ.