ბათუმში, საკონდიტრო “დონას” თანამშრომელს კორონავირუსი დაუდასტურდა. 35 წლამდე ასაკის ქალი ამ დროისათვის ბათუმის რესპუბლიკურ საავადმყოფოშია გადაყვანილი. სხვა თანამშრომლებს კი ტესტირება უტარდებათ.
მაღაზიის მეჯერის განცხადებით, ინფიცირებული ქალი 5 დღის წინ თავს შეუძლოდ გრძნობდა, რის გამოც ცხელების ცენტრს მიმართა.
“27 აგვისტოდან თანამშრომელი სამსახურში არ ყოფილა. თანამშრომლების ნახევარს ჩაუტარდათ გუშინ ტესტირება, ნახევარს უტარდება ამ წუთას და ყველა გადადის თვითიზოლაციის რეჟიმში”, – ამბობს საკონდიტროს მენეჯერი.