ახალი ამბები მთავარი პოლიტიკა

რა ქონებას ფლობს პარლამენტის წევრი თინა ბოკუჩავა

რა ქონებას ფლობს “ნაციონალური მოძრაობის” წევრი, თინა ბოკუჩავა – დეპუტატმა ქონებრივი დეკლარაცია 2020 წლის 31 ივლისს შეავსო.

პარლამენტის წევრმა, ერთ წელიწადში (2019 წელს) პარლამენტში ხელფასის სახით 50 698 ლარი მიიღო.

ბოკუჩავას სახელზე არსებული უძრავ-მოძრავი ქონებით, ირკვევა, რომ 2019 წელს მას ჩუქებით გადაეცა თბილისში მდებარე, 124,1 კვ.მ ბინის 52,41%. ამავე წელს, ასევე ჩუქებით მიიღო სოფელ ბულაჩაურში 150,55 კვ.მ საცხოვრებელი სახლი. 2020 წელს კი, მემკვიდრეობით გადაეცა ბინა ჭავჭავაძის გამზირზე, რომლის 50%-ან წილს მისი მეუღლე, კონსტანტინე იოსელიანი ფლობს.

ასევე მის სახელზეა 2013 წელს შეძენილი, 51 კვ.მ ბინაც თბილისში, რაშიც 53000 ლარი გადაიხადა.

გარდა ამისა, მის მეუღლეს 2020 წელს მემკვიდრეობით მიღებული აქვს 251,8 კვ.მ საცხოვრებელი სახლი ქობულეთში, 192 კვ.მ ბინა თბილისში, ჭავჭავაძეზე და 53,5 კვ.მ არასაცხოვრებელი ფართი ბარნოვზე. 2004 წელს ასევე მემკვიდრეობით მიიღო 1500 კვ.მ მიწის ნაკვეთი თბილისში, კერძოდ, დიდი ლილოში. ხოლო 30 კვ.მ არასაცხოვრებელი ფართი თბილისში, კერძოდ, რუსთაველის გამზირზე.

თინა ბოკუჩავას მეუღლეს ეკუთვნის ასევე, მსუბუქი ავტომობილი TOYOTA PRIUS 2012 № VC166CV, რაშიც 2017 წელს 8500 აშშ დოლარი გადაიხადა და 2020 წელს 6000 აშშ დოლარად შეძენილი fiat abarht.

ქონებრივი დეკლარაციის მიხედვით, თინა ბოკუჩავა დოკუმენტის შევსების მომენტში ფლობდა: “თი–ბი–სი ბანკის“ სახელფასოზე – 2469,38 ლარს, ხოლო მიმდინარეზე – 2002,32 ლარს.

ავიაბილეთები იაფად
იტვირთბა....