ახალი ამბები მთავარი საზოგადოება სამართალი

“მეჯართე ლ.ყ. რომელიც ვაზისუბანში ცხოვრობდა შაქარას მეზობლად, როგორ აღმოჩნდა ფერად სახლთან ჯართის დასაჭრელად?” – ელისო კილაძე

“ქრონიკა პლიუსის” რედაქტორი ელისო კილაძე აცხადებს, რომ გიორგი შაქარაშვილის საქმეში გამოჩენილი პირი, რომელიც მცხეთაში ე.წ. ფერად შენობასთან ჯართს აგროვებდა, მანამდე წარსულში ნასამართლევია. მისივე თქმით, ეს პირი გარდაცვლილი ფეხბურთელის მეზობელი იყო. ამის შესახებ იგი სოციალურ ქსელში წერს.

“მეჯართე ლ.ყ. რომ წარსულში ნასამართლევი ლევან ყარყარაშვილია, რომელიც ვაზისუბანში ცხოვრობდა შაქარას მეზობლად, როგორ აღმოჩნდა ფერად სახლთან ჯართის დასაჭრელად ჰა?!
2006 წელს რა საქმის ფიგურანტი იყო, გახსოვთ თუ გაგახსენოთ? გვამი ფიგურირებდა იქაც
ჰო, დედამისმა სულ სიცილით წაიყვანეს – შაქარას პროცესზე ციხიდან უნდა მიგიყვანოთ, ასე გვჭირდებაო” – წერს კილაძე.
მცხეთის მაგისტრალზე მდებარე ფერადი შენობის მიმდებარე ტერიტორიაზე, სადაც გიორგი შაქარაშვილის საქმის ერთ-ერთი მთავარი მოწმე, გურამ ამირხანაშვილი იმალებოდა, დაიწვა. შინაგან საქმეთა სამინისტროს ინფორმაციით,  არაგვის ხიდის მიმდებარე ტერიტორიაზე გაჩენილი ხანძარი მეტალის დამუშავებამ გამოიწვია.

შეგახსენებთ, 22 ივნისს მაშველებმა ოთხდღიანი უწყვეტი ძებნის შემდეგ გიორგი შაქარაშვილის ცხედარი მდინარე არაგვში იპოვეს. 10 ივლისს გიორგი შაქარაშვილის პირველი ექსპერტიზის პასუხი გახდა ცნობილი, რომლის თანახმადაც, სიკვდილის მიზეზია ასფიქსია წყალში დახრჩობით. ექსპერტიზის დასკვნაში ნათქვამია, რომ გიორგი შაქარაშვილს სხეულზე სიცოცხლის დროინდელი 12-მდე დაზიანება ჰქონდა.

ამ დროისთვის საქმეზე დაკავებულია 17 პირი. ბრალდებულების ნაწილის წინასასამართლო პროცესი უკვე ჩატარდა და მოსამართლემ ყველა მათგანი პატიმრობაში დატოვა. მორიგი სასამარტლო პროცესი აგვისტოში გაიმართება.

ავიაბილეთები იაფად
იტვირთბა....