გარდაცვლილი ფეხბურთელის, გიორგი შაქარაშვილის საქმეზე დაკავებული მორგაბეების, ვასილ მახარაძისა და არჩილ გაგნიძის ადვოკატი, ალექსანდრე კობაიძე რუსთავში მაჟორიტარი დეპუტატობის კანდიდატად წარდგენას აპირებს.
ამის შესახებ ინფორმაცია კობაიძემ პირად ფეისბუქგვერდზე გაავრცელა.
როგორც კობაიძე პოსტში აღნიშნავს, რუსთავში მისი მაჟორიტარობა რუსთაველების პრობლემის გადაჭრის გარანტი იქნება.
„მოკლედ ვიტყვი: ვაპირებ რუსთავის მაჟორიტარ დეპუტატობის კანდიდატად ჩემი თავის წარდგენას. ვიცი ბევრს არ გაგიხარდებათ, მაგრამ ვისაც გაუხარდება ჩემი მაჟორიტარობა იქნება გარანტი, რომ რუსთაველების პრობლემების მოსაგვარებლად შევძრავ მთელ პარლამენტს, სანამ კონკრეტული პრობლემების გადაჭრა არ მოხდება. ჩემი მეშვეობით პარლამენტში იქნება ტრიბუნა, რითაც ყველა რუსთაველს შეეძლება ჩვენი ქალაქის განვითარებისთვის ნებისმიერი პრობლემის/იდეის გაჟღერება.
მოკლედ არჩევანი თქვენზეა.
P.S. თუ არადა ვიაროთ ერთ წრეზე….“, – წერს ალექსანდრე კობაიძე Facebook-ზე.