“თუ დავაკვირდებით, ქართული ოცნების დეპუტატებმა, ამ ორი დღის განმავლობაში, ისწავლეს მოდური სიტყვა — ფეიკნიუსი და ფეიკობენ და ფეიკობენ ორი დღეა. ბატონო გიორგი, თქვენ ბრძანდებით ყველაზე დიდი ფეიკბიუჯეტის ავტორი. სიცრუის ბიუჯეტი წარმოადგინეთ გუშინწინ, რომელიც დღეს უკვე ფაქტობრივად მკვდარია”
რომან გოცირიძე – ფრაქცია “ნაციონაური მოძრაობის” თავჯდომარე
ამის შესახებ, რომან გოცირიძემ მმართველი გუნდის მიერ ფეიკნიუსების საკითხზე საუბართან დაკავშირებით განაცხადა.
ცნობისთვის, კალაძემ განაცხადა, რომ თბილისის მერია დეზინფორმაციის გავრცელების და „ფეიკ ნიუსების“ წინააღმდეგ ახალ პროექტს იწყებს. მისი თქმით, „სიმართლის მუშტი მოხვდება ყველას ცხვირ-პირში, ვინც არასწორად იმოქმედებს” და საზოგადოების შეცდომაში შეყვანის მცდელობა ექნება. ახალი პროექტის ფარგლებსი დედაქალაქის მერს პირველი “ფეისბუქ” ლაივი უკვე ჰქონდა, სადაც მედიაში გასულ კონკრეტულ სიუჟეტებზე ისაუბრა, რომლებიც, კალაძის თქმით, დეზინფორმაციის გავრცელებას ემსახურება.