aviabiletebi
ახალი ამბები მთავარი საზოგადოება

სალომე ზურაბიშვილი ევროკავშირისა და საქართველოს შორის უსაფრთხო დერეფნის შექმნის ინიციატივით გამოდის

aviabiletebi
ავიაბილეთები

სალომე ზურაბიშვილი ევროკავშირისა და საქართველოს შორის უსაფრთხო დერეფნის შექმნის ინიციატივით გამოდის – ამის შესახებ განცხადება სალომე ზურაბიშვილმა ბრიტანულ გამოცემა „ფაინენშალ თაიმსთან“ ინტერვიუში გააკეთა.

ზურაბიშვილმა ევროკავშირის ლიდერებს მოუწოდა, პანდემიის კრიზისის მიუხედავად, საქართველოსთან თანამშრომლობა გააღრმავონ.

მისივე თქმით, „მართალია დღეს შეიძლება ჩანდეს, რომ ევროკავშირს სხვებისთვის დრო არ აქვს, თუმცა რეგიონული გაერთიანებები და ბლოკები სულ უფრო მეტად მნიშვნელოვანი ხდება“.

„ჩვენთვის, ქართველებისთვის უფრო ცხადი გახდა, რომ ამ კრიზისის დასაძლევად, ერთადერთი პერსპექტივა ევროპელ პარტნიორებთან თანამშრომლობაშია“,- ამბობს საქართველოს პრეზიდენტი „ფაინენშალ თაიმსთან“ ინტერვიუში.

როგორც ბრიტანული გამოცემა წერს, „პანდემიამ შეიძლება გააჩინოს შეშფოთება საქართველოში, უკრაინასა და მოლდოვაში, რომ მათი დაფინანსება ევროკავშირის სამეზობლო პოლიტიკის საინვესტიციო პროგრამების ფარგლებში ევროკავშირის მხრიდან შეიძლება შეიზღუდოს მომდევნო შვიდი წლის ბიუჯეტის განხილვის დროს“.

„მანამდე საქართველომ ევროკავშირისგან მეტი დახმარება მოითხოვა, მათ შორის ისეთ სფეროებში, როგორიცაა წყალქვეშა ელექტრო და ოპტიკური კაბელები, ასევე სამგზავრო ბორნების გადაადგილება საქართველოს პორტებში“, – წერს „ფაინენშალ თაიმსი“.

იტვირთბა....