“უნდა ჩაკეტო და ამოიხოცონ” – კომენტარი, რომლის გამოც ზაზა აბაშიძის ხელნაწერთა ცენტრის დირექტორის პოსტიდან მოხსნას ითხოვენ

პლატ­ფორ­მა “არა-ფო­ბი­ას!”  ხელ­ნა­წერ­თა ეროვ­ნუ­ლი ცენ­ტრის დი­რექ­ტო­რი ზაზა აბა­ში­ძის თანამდებობიდან მოხ­სნას მო­ი­თხოვს.

ამის მიზეზი კი, ზაზა აბასიძიე მიერ “ფეისბუქგვერდზე” დაწერილი პოსტი გახდა, სადაც ის ბოლნისში მოსახლეობისა და ექიმების დაპირისპირების ფაქტს გამოეხმაურა.

ამ ინ­ცი­დენ­ტთან და­კავ­ში­რე­ბით, ზაზა აბა­ში­ძემ “ფეისბუქზე” კო­მენ­ტა­რის სა­ხით და­წე­რა, რომ “უნდა ჩა­კე­ტო სო­ფელ­ში და ამო­ი­ხო­ცონ к ебённой матери!”

მოგ­ვი­ა­ნე­ბით აბა­ში­ძემ კვლავ და­წე­რა კო­მენ­ტარ­ში: “კაცო, არ ემორ­ჩი­ლე­ბი­ან სა­ხელ­მწი­ფოს კა­ნო­ნებს?! პო­ტენ­ცი­ურ გა­მავ­რცე­ლებ­ლად და მკვლე­ლე­ბად იქ­ცე­ვი­ან? გა­მო­კე­ტონ იმ სივ­რცე­ში და პატ­რო­ნი მოს…ნიათ! გინ­და აზე­რი იყოს, გინდ ქარ­თვე­ლი, გინდ რუსი…”

სწორედ ამის შემდეგ, პლატ­ფორ­მა “არა-ფო­ბი­ას!” განცხადება გაავრცელა, სადაც აღნიშნულია, რომ ეთ­ნი­კუ­რი სი­ძულ­ვი­ლის შემ­ცვე­ლი კო­მენ­ტა­რის გამო ზაზა აბაშიძის გადაყენების საკითხი დაუყოვნებლივ უნდა განიხილოს.

განცხადების თანახმად, ზაზა აბაშიძის კომენტარები გა­მო­ხა­ტავს არაჰუ­მა­ნურ და­მო­კი­დე­ბუ­ლე­ბას ეთ­ნი­კუ­რად აზერ­ბა­ი­ჯა­ნე­ლე­ბის მი­მართ და ეთ­ნი­კურ შუღლს  აღვივებს.

“გავ­რცე­ლე­ბუ­ლი ინ­ფორ­მა­ცი­ით, სსიპ ხელ­ნა­წერ­თა ეროვ­ნუ­ლი ცენ­ტრის დი­რექ­ტო­რის, ზაზა აბა­ში­ძის პი­რა­დი ფე­ის­ბუკ-პრო­ფი­ლით გა­კეთ­და კო­მენ­ტა­რი, რომ­ლის თა­ნახ­მა­დაც მარ­ნე­უ­ლის სოფ­ლის მა­ცხოვ­რებ­ლე­ბი უნდა “ჩა­კე­ტონ და ამო­ხო­ცონ”, რა­საც თან ერ­თვის გი­ნე­ბა. კი­დევ ერთ კო­მენ­ტარ­ში ზაზა აბა­ში­ძემ მათ ვირუ­სის პო­ტენ­ცი­უ­რი გა­მავ­რცე­ლებ­ლე­ბი, მკვლე­ლე­ბი უწო­და, აგი­ნა და გა­ი­მე­ო­რა, რომ ისი­ნი უნდა გა­მო­კე­ტონ.

პლატ­ფორ­მა “არა-ფო­ბი­ას!”-თვის კა­ტე­გო­რი­უ­ლად მი­უ­ღე­ბე­ლია ზაზა აბა­ში­ძის კო­მენ­ტა­რე­ბი. მისი პო­ზი­ცია აღ­ვი­ვებს ეთ­ნი­კურ შუღლს და გა­მო­ხა­ტავს არაჰუ­მა­ნურ და­მო­კი­დე­ბუ­ლე­ბას ეთ­ნი­კუ­რად აზერ­ბა­ი­ჯა­ნე­ლე­ბის მი­მართ, რი­თაც ხელს უწყობს ისე­დაც მო­წყვლა­დი უმ­ცი­რე­სო­ბის სა­ზო­გა­დო­ე­ბის­გან უფრო მე­ტად გა­რიყ­ვას.

შექ­მნი­ლი ვი­თა­რე­ბის ფონ­ზე, რო­დე­საც სა­ქარ­თვე­ლოს მო­ქა­ლა­ქე­თა ჯან­მრთე­ლო­ბის დაც­ვის პა­რა­ლე­ლუ­რად კრი­ტი­კუ­ლად აუ­ცი­ლე­ბე­ლია ეკო­ნო­მი­კუ­რი სტა­ბი­ლუ­რო­ბის შე­ნარ­ჩუ­ნე­ბა და უმუ­შევ­რად დარ­ჩე­ნილ მო­სახ­ლე­ო­ბა­ზე ზრუნ­ვა, ეთ­ნი­კუ­რი სი­ძულ­ვი­ლის შემ­ცვე­ლი და არაჰუ­მა­ნუ­რი და­მო­კი­დე­ბუ­ლე­ბე­ბი უფრო მე­ტად არ­თუ­ლებს ამ პრო­ცესს.

მო­ვუ­წო­დებთ სა­ქარ­თვე­ლოს მთავ­რო­ბას/სა­ქარ­თვე­ლოს გა­ნათ­ლე­ბის, მეც­ნი­ე­რე­ბის, კულ­ტუ­რი­სა და სპორ­ტის სა­მი­ნის­ტროს, და­უ­ყოვ­ნებ­ლივ გა­ნი­ხი­ლონ ზაზა აბა­ში­ძის და­კა­ვე­ბუ­ლი თა­ნამ­დე­ბო­ბი­დან მოხ­სნის სა­კი­თხი,”- ნათქვამია განცხადებაში.

შე­გახ­სე­ნებთ, ბოლ­ნი­სის მუ­ნი­ცი­პა­ლი­ტე­ტის სო­ფელ მუ­შე­ვან­ში ინ­ცი­დენ­ტი პირ­ველ მა­ისს მოხ­და, როდესაც კო­რო­ნა­ვირუ­სით ინ­ფი­ცი­რე­ბუ­ლი პა­ცი­ენ­ტე­ბის კლი­ნი­კა­ში გა­და­საყ­ვა­ნად ერთ-ერთ ოჯახ­ში მი­სულ მედ­პერ­სო­ნა­ლს, სა­მარ­თალ­დამ­ცა­ვე­ბსა და სოფ­ლის რწმუ­ნე­ბუ­ლს ოჯა­ხის ახ­ლობ­ლებ­მა წი­ნა­აღ­მდე­გო­ბა გა­უ­წი­ეს და ქვე­ბით და­ა­ზი­ა­ნეს ავ­ტო­მან­ქა­ნები.