ამერიკულმა ტელეკომპანია ?ფოქს ნიუსმა“ საინფორმაციო გამოშვებაში კორონავირუსის გამო დაწესებული შეზღუდვების მოხსნის მოთხოვნით ქვეყანაში გამართულ საპროტესტო აქციებზე სიუჟეტი გაუშვა, სადაც მარნეული აშშ-ის ჯორჯიის შტატს მიაკუთვნა.
„ფოქს ნიუსმა“, ამერიკის შტატებში გამართული დემონსტრაციების კადრების გვერდით, მარნეულში გამართული აქცია აჩვენა.
სიუჟეტში აშშ-ის რამდენიმე შტატიდან საპროტესტო აქციის კადრები გავრცელდა. მათ შორის იყო კადრები მარნეულიდან, რომელსაც ტიტრად ედო – მარნეული, ჯორჯიის შტატი (Marneuli, GA).