„აღნიშნულ პაკეტში იქნება ბიზნესის მიმართულებით ხელშეწყობა და პარასკევს სრულყოფილ ინფორმაციას გაიგებს საზოგადოება. ეს იქნება მიმართული იმ ადამიანებზე, იმ ოჯახებზე, ვინც ყველაზე მეტად დაზარალდა ამ რთულ მდგომარეობაში. არის ადამიანების დიდი რაოდენობა, ვინც სამსახური დაკარგა, ბევრი თვითდასაქმებული გვყავდა. ძალიან ბევრი პრობლემა შექმნა ეკონომიკური თვალსაზრისით ამ ეპიდემიოლოგიურმა მდგომარეობამ და პაკეტი, რომელიც იქნება წარმოდგენილი ასი ათასობით ადამიანს მოიცავს და ექნება მაქსიმალური მხარდაჭერა და თანადგომა.”
კახა კალაძე – თბილისის მერი
როგორც კალაძე აცხადებს, პარასკევს პრემიერ-მინისტრი საზოგადოებას წარუდგენს პაკეტს, რომელიც მიმართული იქნება იმ ადამიანებისთვის, იმ ოჯახებისთვის, ვისაც ყველაზე მეტად დაარტყა არსებულმა გამოწვევამ.