თბილისის ზღვის ჰოსპიტალში ახალი კორონავირუსი ორ პაციენტს დაუდასტურდა.
თბილისის ზღვის ჰოსპიტლის პრესსამსახურის ცნობით, პაციენტებს მათი საავადმყოფოდან პირველ საუნივერსიტეტო კლინიკაში გადაიყვანენ.
შეგახსენებთ, ბოლო მონაცემებით, საქართველოში COVID-19 ის 388 შემთხვევაა დადასტურებული. 3 უცხოეთიდან სამკურნალოდ გადმოყვანილი საქართველოს მოქალაქე.
86 პაციენტი ვირუსისგან სრულად განიკურნა. ქვეყნის მასშტაბით გარდაცვალების ოთხი შემთხვევა ფიქსირდება. კარანტინის რეჟიმში იმყოფება 4971 მოქალაქე, ხოლო სტაციონარში მეთვალყურეობის ქვეშ – 519.
