ახალი ამბები მთავარი საზოგადოება

ქართული წარმოების პირბადეები აფთიაქებში დღეიდან გაიყიდება

ეკონომიკისა და მდგრადი განვითარების მინისტრის, ნათია თურნავას განცხადებით, საქართველოში წარმოებული სამედიცინო პირბადეები სააფთიაქო ქსელებში დღეიდან გაიყიდება.

ამის შესახებ თურნავამ მთავრობის ადმინისტრაციაში ბრიფინგზე განაცხადა.

მინისტრის ცნობით, მომდევნო ორ დღეში, პირბადეები წამყვან სააფთიაქო ქსელებში მთელი ქვეყნის მასშტაბით გადანაწილდება.

„დღეიდან ქართული წარმოების პირბადეები სააფთიაქო ქსელებში უკვე გავუშვით, 400 ათასი პირბადე საწყის ეტაპზე. დაახლოებით ორი დღე იქნება საჭირო, რომ მთელი საქართველოს მასშტაბით განაწილდეს წამყვან სააფთიაქო ქსელებში პირბადეები. აქ საუბარი გვაქვს „ავერსზე“, „ფარმადეპოზე“, „პეესპეზე“ და „ჯიპისიზე“, ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების განაწილება და მოსახლეობისთვის მიწოდება,”- აცხადებს ნათუა თურნავა.

ცნობისთვის, მას შემდეგ რაც ვირუსის გავრცელების გამო სააფთიაქო ქსელში პირბადეების დეფიციტი გაჩნდა, საქართველოში მისი წარმოება დაიწყეს. სამედიცინო პირბადეების დამზადება აჭარაში მარტის შუა რიცხვებიდან დაიწყო.

ავიაბილეთები იაფად
იტვირთბა....