ახალი ამბები მთავარი პოლიტიკა

“საქართველომ უნდა გადაიხადოს თანხა იმ დანაშაულის გამო, რომელიც სააკაშვილმა და მისმა ხელისუფლებამ ჩაიდინა” – სუბარი

რეგიონული განვითარების საკითხებში პრემიერ-მინისტრის მრჩეველმა, ყოფილმა სახალხო დამცველმა სოზარ სუბარმა განცხადება გაავრცელა და თქვა, რომ ადამიანის უფლებათა ევროპულმა სასამართლომ კიდევ ერთხელ გამოუტანა განაჩენი მიხეილ სააკაშვილს და მის ხელისუფლებას.

„ეს არის განაჩენი, რომელიც განამტკიცებს იმ აზრს, რომელიც 2006 წელს ჩემს მოხსენებაში მაქვს ნათქვამი. 2013 წელს ქართულმა სასამართლომ ასევე დაადგინა და ოთხ ადამიანს, ბაჩო ახალაიას, მეგის ქარდავას, რევაზ ჭარბაძეს მიუსაჯა თავისუფლების აღკვეთა წამების გამო. მაშინ მე რომ არ ჩავერეულიყავი, 40 დაჭრილი პატიმარი მიგდებული იყო უყურადღებოდ. მათგან კიდევ ბევრი ვერ გადარჩებოდა და ბევრი სიცოცხლეს ვერ შეინარჩუნებდა. მსხვერპლი გაცილებით მეტი იქნებოდა. საქართველომ უნდა გადაიხადოს თანხა იმ დანაშაულის გამო, რომელიც სააკაშვილმა და მისმა ხელისუფლებამ ჩაიდინა. თუმცა ეს ბუნებრივია, სამართალგამგრძელებლები ჩვენ ვართ, ამიტომ სტრასბურგში პასუხის გამცემი არის არა კონკრეტული პირი, არამედ მთლიანად სახელმწიფო.“ – განაცხადა სუბარმა.

ავიაბილეთები იაფად
იტვირთბა....