ქუთაისის ახალ ინფექციურ საავადმყოფოში აეროპორტის თანამშრომელი და მესაზღვრე მოათავსეს. გავრცელებული ინფორმაციით, მათ კონტაქტი ჰქონდათ იმ ადამიანებთან, ვისაც კორონავირუსი დაუდგინდა.
კლინიკაში ვირუსის სიმპტომებით 5 პაციენტია მოთავსებული. ერთ ადამიანს კორონავირუსი არ დაუდგინდა. 4 პაციენტის ანალიზები კი ლუგარის ლაბორატორიაშია გადაგზავნილი. მათ პასუხებს დღეს ელოდებიან.
პაციენტები ბოქსირებულ და ნახევრადბოქსირებულ განყოფილებებში არიან მოთავსებული.