“მთავარმა არხმა“ ფრანგულ კომპანიას წინასაარჩევნო კვლევა დაუკვეთა, რომლის შედეგებიც ტელეკომპანიამ უკვე გაასაჯაროვა

ფრანგული კომპანია „იფსოსმა“(IPSOS) ტელეკომპანია “მთავარი არხის” დაკვეთით კვლევა ჩაატარა, რომელიც ტელეკომპანიამ გაასაჯაროვა.

კვლევაში მონაწილეებს დაუსვეს კითხვა: ” როგორ მისცემდით ხმას, ხვალ რომ ორი სუბიექტი იყრიდეს კენჭს, გაერთიანებული პროდასავლური ოპოზიცია და “ქართული ოცნება”?“.

კითხვაზე პასუხები შემდეგნაირად  გადანაწილდა: პროდასავლური ოპოზიცია – 55 %; „ქართული ოცნება“ – ბიძინა ივანიშვილი 39% .

რაც შეეხება სხვა პარტიებს, მათ ჯამში გამოკითხულთა 6% დაუჭერს მხარს.

ასევე, გამოკითხვის ფარგლებში, დასმული იყო შეკითხვა: “რამდენად ეთანხმებით დებულებას, რომ რამდენიმე პარტია ხელისუფლებაში (ანუ კოალიციური მთავრობა) ქვეყნისთვის სასარგებლოა “, რაზეც შემდეგი პასუხები გამოიკვეთა: სრულიად ვეთანხმები 39.2%; მეტნაკლებად ვეთანხმები 29.8%; არ ვეთანხმები 10.4%; ვეწინააღმდეგები 10%.

ფრანგულმა კომპანია კვლევის ფარგლებში  1500 ადამიანი, 27 იანვარი-5 თებერვალი შუალედში გამოკითხა.