რუსეთში კორონავირუსით დაინფიცირების ორი შემთხვევა დადასტურდა. “რია ნოვოსტის” ცნობით, ამის შესახებ რუსეთის ვიცე პრემიერმა, ტატიანა გოლიკოვამ განაცხადა.
ორივე დაინფიცირებული ჩინეთის მოქალაქეა. პირველი შემთხვევა იმიერბაიკალეთის მხარეში, მეორე – ტიუმენის რეგიონში დაფიქსირდა.
შეგახსენებთ, ჩინეთში კორონავირუსის გავრცელების გამო, 30 იანვარს რუსეთმა შორეულ აღმოსავლეთში საზღვრები ჩაკეტა.
ახალ კორონავირუსს, ბოლო მონაცემებით, 213 ადამიანი ემსხვერპლა, ინფიცირებულთა რიცხვი კი 9692-მდე გაიზარდა. 1500 ადამიანზე მეტის მდგომარეობა საკმაოდ მძიმეა.
ჯანდაცვის მსოფლიო ორგანიზაციამ კორონავირუსის ეპიდემია გლობალურ საფრთხედ გამოაცხადა.