დღს, 27 იანვარს საქართველოს მართლმადიდებელი ეკლესია წმინდა ნინოს ხსენების დღეს აღნიშნავს.
დღესასწაულთან დაკავშირებით ტაძრებში სადღესასწაულო წირვა ჩატარდება.
სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ნინოობასთან დაკავშირებით წირვას კუკიაზე, წმინდა ნინოს სახელობის ტაძარში ჩაატარებს. ღვთისმსახურება დილის 10:00 საათზე დაიწყება. კუკიაზე მდებარე წმინდა ნინოს სახელობის ტაძარს 125 წელი შეუსრულდა.
წმინდა ნინოს ხსენებას საქართველოს მართლმადიდებელი ეკლესია წელიწადში ორჯერ აღნიშნავს: პირველ ივნისს მისი საქართველოში შემოსვლის დღეს და 27 იანვარს მისი გარდაცვალების დღეს