ბათუმში, ხუთი ცათამბჯენის მშენებლობა პროტესტის ფონზე მიმდინარეობს. 42 სართულიანი კორპუსის აშენებაზე საქართველოს ეკონომიკის სამინისტრომ “სილქ როუდ ჯგუფს” ნებართვა 24 დეკემბერს მისცა.
არასამთავრობო ორგანიზაციების პროტესტი პროექტის პრეზენტაციიდან დაიწყო. „ბათუმი რივიერას“ ნებართვას 4 ორგანიზაცია და ორი საინიციატივო ჯგუფი სასამართლოში გაასაჩივრებს. ინფორმაციას ამის შესახებ “აჭარის საზოგადოებრივი მაუწყებელი” ავრცელებს.
საზოგადოება „ბათომის“ წევრები ამბობენ, რომ მოსახლეობას ინფორმაცია დაუმალეს და მოატყუეს. საზოგადოება ბათუმის კონცხზე 5 ცათამბჯენის მშენებლობას უსაფრთხოების მოტივით ეწინააღმდეგება. არსებობს იმის საშიშროება, რომ კონცხი სიმძიმის გამო ჩაიშალოს და ეკოლოგიური კატასტროფა გამოიწვიოს.
რაც შეეხება ხელისუფლებას, ისინი ფიქრობენ, რომ პროექტი ქალაქს ტურისტული თვალსაზრისით უფრო საინტერესოს გახდის.