რეგიონული განვითარებისა და ინფრასტრუქტურის მინისტრი, ვიცე-პრემიერი, მაია ცქიტიშვილი გამორიცხავს მიმსი ოჯახის წევრების სამეწარმეო საქმიანობის არასრულად ასახვას დეკლარაციაში – ამის შესახებ ცქიტიშვილმა ჟურნალისტებთან განაცხადა.
„არავითარი საქმიანობა, რომელიც არ იქნებოდა დეკლარაციაში ასახული, ჩემი ოჯახის წევრებს, მეუღლე იგულისხმება ამ შემთხვევაში, არ გვაქვს“, – აცხადებს ცქიტიშვილი.
შეგახსენებთ, რომ საქართველოს პარლამენტის სამ მინისტრს: ინფრასტრუქტურის მინისტრ მაია ცქიტიშვილს, ჯანდაცვის მინისტრ ეკატერინე ტიკარაძეს და გარემოს დაცვისა და სოფლის მეურნეობის მინისტრს ლევან დავითაშვილს, “საერთაშორისო გამჭვირვალობა – საქართველოს” კვლევის შედეგების გავრცელების თანახმად, არასრულად აქვთ გასაჯაროებული საკუთარი ან ოჯახის წევრის სამეწარმეო საქმიანობა.
ასევე, კვლევის შედეგად გამოვლინდა მინისტრებისა და მინისტრის მოადგილეების ქონების არასრულად გასაჯაროების 18 შემთხვევა.