“მე ვარ უშუალო ხელმძღვანელი და უნდა გადავდგე? მე მყავს 43 ათასი თანამშრომელი და ყველა გადაცდომაზე მინისტრები რომ გადადგნენ, შეიძლება, ყოველ თვე მოუწიოთ მინისტრებს გადადგომა. ეს ნორმალური იქნება?”
ვახტანგ გომელაური – შინაგან საქმეთა მინისტრი
აღნიშნული განცხადება ჟურნალისტებთან საუბრისას გომელაურმა დავით მუმლაძის გატაცების საქმეზე პასუხისმგებლობის აღებასთან დაკავშირებით გააკეთა.
შეგახსენებთ, 35 წლის დავით მუმლაძის ცხედარი მდინარე მტკვარმა რუსთავში 5 ოქტომბერს გამორიყა. 7 ოქტომბერს შინაგან საქმეთა სამინისტრომ გაავრცელა ინფორმაცია, რომლის მიხედვითაც, პოლიციამ 35 წლის მამაკაცის განზრახ მკვლელობის ფაქტზე ხუთი პირი, მათ შორის, ორი მოქმედი და ერთი ყოფილი სამართალდამცველი დააკავა.
