aviabiletebi
ახალი ამბები მთავარი საზოგადოება

“NDI არ იძლევა საშუალებას, ოპოზიციური ამომრჩეველი სრული სისავსით გამოჩნდეს” – კანდელაკი

aviabiletebi
ავიაბილეთები

ოპოზიციური ამომრჩევლის დიდი ნაწილი არ ამბობს, რომ ხმის მიცემას მთავრობის წინააღმდეგ აპირებს- ამის შესახებ განცხადება „ევროპული საქართველოს“ წევრმა გიორფი კანდელაკმა გააკეთა.

ჟურნალისტებთან საუბარში გიორგი კანდელაკი ეროვნულ-დემოკრატიული ინსტიტუტის (NDI) კვლევის შედეგებს გამოეხმაურა და აღნიშნა, რომ ქვეყანაში არსებული სავალალო მდგომარეობა შექმნილია “მუქთახორების” მოღვაწეობის შედეგად, რაც ასახულია კვლევებში.

„გამოკითხვის გარეშე ვგრძნობთ, როგორია ხალხის დამოკიდებულება „ქართული ოცნების“ მიმართ. მათი ნდობა მინიმუმზეა, რაც ბიძინა ივანიშვილის მთავრობას შემორჩა. გავრილოვის ღამის შეფასება განაჩენია „ქართული ოცნებისთვის“. პესიმიზმი, რაც ხელისუფლებამ მოიტანა, მაქსიმუმზეა, რადგან მოქალაქეები ამბობენ, რომ მთავრობას ქვეყანა არასწორი მიმართულებით მიჰყავს. ქვეყანაში სავალალო მდგომარეობა შექმნილია ამ მუქთახორების მოღვაწეობის შედეგად, რაც ასახულია კვლევებში“, – აღნიშნა კანდელაკმა.

დეპუტატი „ევროპული საქართველოს“ პარტიულ რეიტინგზეც ამახვილებს ყურადღებას.

„ქვეყანაში ისეთი ვითარებაა შექმნილი, რომ „ენდიაის“ მეთოდოლოგია არ იძლევა საშუალებას, ოპოზიციური ამომრჩეველი სრული სისავსით გამოჩნდეს. მაღალია იმ რესპოდენტების რაოდენობა, რომლებიც პასუხზე ან უარს ამბობენ, ან საკუთარი არჩევანი გადწყვეტილი არ აქვთ. ცხადია, ბევრი ოპოზიციური ამომრჩეველია. ამ კლიმატით აიხსნება ის, რომ ოპოზიციური ამომრჩევლის დიდი ნაწილი არ ამბობს, რომ ხმის მიცემას მთავრობის წინააღმდეგ აპირებს“, – დასძინა კანდელაკმა.

შეგახსენებთ, რომ “ეროვნულ-დემოკრატიული ინსტიტუტის (NDI) კვლევის თანახმად, კითხვაზე – “ხვალ რომ საპარლამენტო არჩევნები ტარდებოდეს, მიიღებდით თუ არ მონაწილეობას”, გამოკითხულთა 59% აცხადებს, რომ არჩევნებზე მივიდოდა, ხოლო 41%-მა აღნიშნა, რომ არჩევნებში მონაწილეობას არ მიიღებდა. 

ამავდროულად, ეროვნულ-დემოკრატიული ინსტიტუტისა (NDI) და „კავკასიის კვლევითი რესურსების ცენტრი (CRRC) საქართველო“-ს მიერ ჩატარებულ კვლევაში კითხვაზე, ხვალ რომ საპარლამენტო არჩევნები ტარდებოდეს, რომელ პარტიებს მისცემდნენ ხმას, პარტიები ასე გადანაწილდა: „ქართული ოცნება“ 20 პროცენტი, „ნაციონალური მოძრაობა“ 9 პროცენტი, „პატრიოტთა ალიანსი“, „ევროპული საქართველო-თავისუფალი დემოკრატები“ 4-4 პროცენტი. კითხვაზე პასუხი არ აქვს გამოკითხულთა 26 პროცენტს.

იტვირთბა....