“ეს ქალი [პრეზიდენტი] არის აბსოლუტურად უმართავი, როგორც არ შეიძლება, რომ გადატენილი იარაღი ბავშვს ეჭიროს ხელში, რადგან შეიძლება ძალიან ცუდი რამ მოწიოს საკუთარ თავს ან სხვას, ისეა შეწყალების უფლება სალომე ზურაბიშვილის ხელში. მართლა დეკანოზი მამალაძე რომ ზის და მართლა შესაწყალებელია, რადგან რის გამოც დაჭერილია, ის არ ჩაუდენია.
გიორგი მარგველაშვილმაც რატომ არ შეიწყალა, გაუგებარია ჩემთვის, სხვებს რომ იწყალებდა, ის რატომ არ შეიწყალა, ალბათ პოლიტიკური ანგარიშგაწევა იყო საპატრიარქოსთვის”.
ალექსანდრე ელისაშვილი, “სამოქალაქო მოძრაობის” დამფუძნებელი
TV პირველის ეთერი
Imedinews-ის ინფორმაციით, საქართველოს პრეზიდენტმა სალომე ზურაბიშვილმა შეიწყალა ასლან ბეჟანიძე, რომელიც ისტორიკოს გიორგი ოთხმეზურის შვილისა და ისტორიკოს მარიკა ლორთქიფანიძის შვილიშვილის, 18 წლის დავით ოთხმეზურის მკვლელობისთვის იხდიდა სასჯელს. დავით ოთხმეზური თბილისში, პეკინის გამზირისა და მიცკევიჩის ქუჩის კვეთასთან 2004 წლის 27 ოქტომბერს მოკლეს.
ასლან ბეჟანიძის შეწყალების შესახებ ინფორმაცია თავდაპირველად “მთავარმა არხა” გაავრცელა.
ასლან ბეჟანიძე 2016 წლის 26 მარტს დააკავეს. მას ბრალდება საქართველოს სისხლის სამართლის კოდექსის 108-ე მუხლით წარედგინა და თბილისის საქალაქო სასამართლოს მიერ პროკურატურის შუამდგომლობის საფუძველზე აღკვეთის ღონისძიების სახით პატიმრობა შეეფარდა.
2012 წლის 28 დეკემბრის ამნისტიის გათვალისწინებით, ასლან ბეჟანიძეს საბოლოოდ სასჯელის ზომად განესაზღვრა 6 წლის და 9 თვის ვადით თავისუფლების აღკვეთა.
პრეზიდენტმა სალომე ზურაბიშვილმა მარიამობის დღესასწაულთან დაკავშირებით 34 მსჯავრდებული მათ შორის ბეჟანიძეც შეიწყალა.