“დღეს დემოკრატიის საერთაშორისო დღეა. ძალიან სიმბოლური და მნიშვნელოვანია, რომ ჩვენი მშვიდობიანი შეკრება ამერიკის შეერთებული შტატების საელჩოსთან სწორედ ამ დღეს დაემთხვა. 10 სექტემბერს სასტუმრო „რუმსში“ ჩემს მიმართ დაირღვა სიტყვის თავისუფლების უფლება, გამოხატვის უფლება. ასეთი ფაქტი სხვა დროს აღარ უნდა განმეორდეს. ჩვენ საერთაშორისო პარტნიორებს, აშშ-ს საელჩოს დღეს მკაფიოდ ვუთხარით, პატივს ვცემთ ყველა მეგობარს ჩვენი სახელმწიფოსი, მაგრამ ცნობილია და ფაქტია, მრავალი წლის განმავლობაში, 2012 წლიდან დღემდე მიდის აქტიური მხარდაჭერა მწამებელთა პარტიების, ბოკერიების და სააკაშვილების. დღეს მთავარი გზავნილია, შეწყდეს მწამებელთა მხარდაჭერა, რადგან ეს ძალიან აბრაზებს ქართველ ხალხს”
“პატრიოტთა ალიანსის” ლიდერი ირმა ინაშვილი ამერიკის საელჩოსთან “პატრიოტთა ალიანსის” აქციის დროს ჟურნალისტებტან საუბრისას;