fbpx
ახალი ამბები ეკონომიკა მთავარი მსოფლიო

საქართველო აშშ – სთან პირდაპირი ავიამიმოსვლის შესახებ მოლაპარაკებებს იწყებს

ეკონომიკისა და მდგრადი განვითარების სამინისტროს ინფორმაციით, საქართველო აშშ – სთან პირდაპირი ავიამიმოსვლის შესახებ მოლაპარაკებებს იწყებს.

“ეკონომიკისა და მდგრადი განვითარების მინისტრი ნათია თურნავა სამინისტროს დელეგაციასთან ერთად აშშ-ში გაემგზავრა, სადაც ორ წამყვან ამერიკულ ავიაკომპანიასთან პირდაპირი ფრენების დაწყების შესახებ მოლაპარაკებებს გამართავს. ეკონომიკის მინისტრი მსოფლიოს უმსხვილესი კომპანიების – Delta Air Lines-ის და United airlines-ის წარმომადგენლებს შეხვდება და მათ საქართველოს შესახებ დეტალურ პრეზენტაციას წარუდგენს.

აშშ-სთან პირდაპირ ავიამიმოსვლაზე მოლაპარაკების დასაწყებად დაგეგმილი ვიზიტი ნათია თურნავამ ჯერ კიდევ მიმდინარე წლის აგვისტოში დაანონსა. როგორც მაშინ ეკონომიკის და მდგრადი განვითარების მინისტრმა მედიის წარმომადგენლებს განუცხადა, ეკონომიკის სამინისტროს მიერ ჩატარებულმა დეტალურმა კვლევამ დაადასტურა, რომ პირდაპირი ფრენები საქართველოდან ამერიკის შეერთებულ შტატებში მიმზიდველია. ნათია თურნავას შეფასებით, პირდაპირი ფრენების დაწყება, ერთი მხრივ, იქნება ძალიან ნათელი, ცალსახა პოზიტიური პოლიტიკური ნაბიჯი აშშ-სთან სტრატეგიული პარტნიორობიდან გამომდინარე, ხოლო მეორე მხრივ, ეს იქნება კომერციულად მიმზიდველი კომპანიებისთვის.

ვიზიტის ორგანიზებაში ეკონომიკისა და მდგრადი განვითარების სამინისტროსთან ერთად მონაწილეობა მიიღო აშშ – ში საქართველოს საელჩომ”, – ნათქვამია უწყების მიერ გავრცელებულ ინფორმაციაში.

სხვა ამბები

სახალხო დამცველი უერთდება საქართველოს პრეზიდენტის მიერ კონკრეტულ პირთა შეწყალებასთან დაკავშირებით საზოგადოებაში გაჩენილ კრიტიკას

newsadmin

“ოცნებას ჩრდილოვანი კაბინეტი ბიძინას კაბინეტი გონიათ და დაიძაბნენ” – ხუხაშვილი

newsadmin

18 სექტემბრის ლარის კურსი ცნობილია

newsadmin

პატრიარქმა ჯანდაცვის მინისტრი დალოცა

newsadmin

“ნატო-ში არ მიგვიღებენ არც აფხაზეთ-ცხინვალთან ერთად, არც მათ გარეშე, უნდა დამთავრდეს ამ საკითხით სპეკულირება”

newsadmin

“როცა მოგდევენ გაგინებენ და გლანძღავენ, რატომ ვარ ვალდებული მოვითმინო” – კვიციანი

newsadmin
იტვირთბა....