aviabiletebi
ახალი ამბები მთავარი საზოგადოება

“მოვუწოდებ ივანიშვილს აცადოს გახარიას ერთი წელი და არაფორმალური ჩარევები არ იყოს” – კუკავა

aviabiletebi
ავიაბილეთები

პარტია „თავისუფალი საქართველოს“ ლიდერმა კახა კუკავამ ჟურნალისტებს განუცხადა, რომ მოუწოდებს მმართველ პარტიას აცადოს გიორგი გახარიას ერთი წელი და არაფორმალურ ჩარევებს ადგილი არ ქონდეს.

ამასთან, ​კუკავას თქმით, გიორგი გახარიამ უნდა გაითვალისწინოს, რომ მარტო ძალისმიერი მეთოდებით პროტესტთან გამკლავება არის შეუძლებელი.

„მინდა, მოვუწოდო მმართველი პარტიის ლიდერს, აცადოს გიორგი გახარიას ერთი წლის განმავლობაში ქვეყნის მართვა. თუკი გამოუცხადეს ნდობა, ნიშნავს იმას, რომ გახარიას საქმეში არაფორმალური ჩარევები არ უნდა იყოს. გიორგი გახარიამ უნდა გაითვალისწინოს, რომ მარტო ძალისმიერი მეთოდებით პროტესტთან გამკლავება არის შეუძლებელი, ის რომ დაგროვდა საზოგადოებაში პროტესტი და უკმაყოფილება, ეს არ არის მხოლოდ „ნაციონალური მოძრაობის“ მიერ მოწყობილი პროვოკაციების შედეგი. ეს არის ობიექტურად მთავრობის მიერ დაშვებული შეცდომების შედეგი. ჩვენ, ბუნებრივია, ზოგადად, „ქართულ ოცნებას“ მხარს არ ვუჭერთ.

მთლიანობაში, მიმაჩნია, რომ „ქართული ოცნების“ კურსი ბოლო შვიდი წლის განმავლობაში, საერთო ჯამში, უარყოფითი იყო ქვეყნისთვის, ქვეყანა უკან დასწია. ამ მთავრობის მთავარი ისტორიული მისია არის, რომ 2020 წლის არჩევნებამდე ქვეყანა მიიყვანოს მშვიდად და გადააბაროს არჩევნებში გამარჯვებულ ძალას მშვიდად, რომ არ მოხდეს სისხლის ღვრა რუსთაველზე, არც ლარის დევალვაცია და არც სხვა ექსტრემალური მოვლენები, რისი დიდი სურვილიც აქვს ერთ-ერთ პოლიტიკურ ძალას ქვეყანაში. ეს არის მთავრობის ამოცანა“, – განაცხადა კახა კუკავამ.

შეგახსენებთ, რომ მთავრობაში საკადრო ცვლილებებს, კონკრეტულად კი გიორგი გახარიას პრემიერად დანიშვნას, საზოგადორბის მხრიდან პროტესტი მოყვა. ამ წუთებში “სირცხვილიას” აქტივისტები პარლამენტთან აქციას მართავენ. პარლამენტის თავმჯდომარემ არჩილ თალაკვაძემ ოპოზიციის ნაწილი პარლამენტის პლენარული სხდომიდან გააძევა.

გუშინ  საქართველოს პრემიერ-მინისტრმა მამუკა ბახტაძემ თანამდებობა დატოვა. მან ეს განცხადება სოციალური ქსელის მეშვეობით გაავრცელა. მმართველმა გუნდმა დღეს გამართულ სხდომაზე, პრემიერ მინისტრობის პოსტზე გიორგი გახარია, შსს მინისტრად ვახტანგ გომელაური, თავდაცვის მინისტრად კი ირაკლი ღარიბაშვილი წარადგინა. უსაფრთხოების საბჭოს კი ლევან იზორიაუხელმძღვანელებს.

იტვირთბა....