fbpx
ახალი ამბები ეკონომიკა მთავარი

ლია ელიავა – ლარის ვარდნა გაგრძელდება, დაივიწყეთ ოცნება, რომ კურსი თუნდაც 2,7 გახდება

ექსპერტი ეკონომიკის საკითხებში ლია ელიავა “მეტრონომთან” საუბრისას ლარის კურსის სამომავლო პროგნოზებზე საუბრობს და აცხადებს, რომ ვარდნა გაგრძელდება.

ელიავას განცხადებით, დღეს საქართველოში ლარზე ერთადერთი ფაქტორი მოქმედებს – ქვეყნიდან კაპიტალის გადინება.

“როგორც ლარის რეტროსპექტივა ცხადყოფს, ლარის ვარდნა არ არის დამოკიდებული არც ქვეყანაში მიმდინარე მოვლენებზე და არც საგარეო ფაქტორებზე. შესაბამისად, ტურისტული სეზონის დამთავრება, ლარზე ვერანაირად იმოქმედებს. დღეს საქართველოში ლარზე ერთადერთი ფაქტორი მოქმედებს – ქვეყნიდან კაპიტალის გადინება.  სამომავლოდ ლარის ვარდნის ტენდენცია გაგრძელდება, იქნება მისი ვარდნა, მცირედი გამყარებით და შემდგომ ისევ ვარდნა. თუ ვინმეს გონია, რომ ლარი 2,2 ან 2,7 გახდება, ეს წარმოუდგენელია. ლარი გააგრძელებს ვარდნას და ამის ძირითადი მიზეზი იქნება ეროვნული ბანკის მხრიდან ლარის კურსის მიმართ არაადეკვატური უყურადღებობის გამოჩენა”, – აცხადებს ეკონომისტი.

ელიავას განცხადებით, ლარის კურსის საკითხი ეროვნული ბანკის კომპეტენციაა.

“რაც შეეხება მთავრობის წევრების განცხადებას ლარის კურსზე – მათ წარმოდგენა არ აქვთ თუ რა მოსდის ლარს. საერთოდ საქმის კურსში არ არიან თუ რა მოუვა ლარს. ეს მათი კომპეტენცია არაა, ეს ეროვნული ბანკის კომპეტენციაა. თუ რამე არ მოგწონთ ლარის კურსში, ეს ეროვნული ბანკის ბრალია”, – აცხადებს ელიავა.

სხვა ამბები

შავი ზღვის სანაპიროზე შტორმია – მაშველები დამსვენებლებს აფრთხილებენ

newsadmin

თბილისის ნაწილს ელექტრომომარაგების მიწოდება დროებით შეეზღუდება

newsadmin

ტიმოთესუბნის ყოვლაწმინდა ღვთისმშობლის მიძინების სახელობის სამონასტრო კომპლექსის ტაძარში კარადა ჩააშენეს

newsadmin

რუსული მედია – 16 წლის მოზარდმა დედა, ძმა, და, ბებია და ბაბუა ნაჯახით მოკლა, შემდეგ თავი მოიკლა

newsadmin

მუშა, რომელიც სოფელ ლემშვენიეროში, სამშენებლო სამუშაოებისას დაშავდა, კვლავ კომაშია

newsadmin

“რეალურად, დღეს საქართველოს სახელმწიფოს არ ჰყავს ხელისუფლება”

newsadmin
იტვირთბა....