aviabiletebi
ახალი ამბები მთავარი საზოგადოება

“საჭიროების შემთხვევაში, შს მინისტრი გამოიკითხება” – პროკურორი 20-21 ივნისის მოვლენებზე

aviabiletebi
ავიაბილეთები

პარლამენტის შენობის წინ აქციის დაშლისას სამსახურეობრივი უფლებამოსილების გადამეტების ბრალდებით დაკავებული სამართალდამცველის, ლევან იმერლიშვილის საქმის პროკურორმა გიორგი მუჯირმა ჟურნალისტებს განუცხადა, რომ ამ ეტაპზე შინაგან საქმეთა მინისტრი საქმეზე გამოკითხული არ არის. ყველა შემხვედრი საგამოძიებო მოქმედება ჩატარდება, მათ შორის, საჭიროების შემთხვევაში, შინაგან საქმეთა მინისტრის გამოკითხვა.

როგორც ის განმარტავს, სხვა დამნაშავე პირთა გამოვლენის მიზნით, გამოძიება ინტენსიურ რეჟიმში მიმდინარეობს.

“გამოძიება ინტენსიურ რეჟიმში გრძელდება, გამოძიების ფარგლებში გამოკითხულია 200 პირი, როგორც დაშავებული პირები, ასევე სამართალდამცავი ორგანოს, ასევე მასმედიის წარმომადგენლები. გამოთხოვილია ტელეკომპანიებიდან დამუშავებული და დაუმუშავებელი კადრები, ასევე 15 საავადმყოფოდან და სასწრაფო სამედიცინო სამსახურიდან ამოღებულია სამედიცინო დოკუმენტაცია, რომელზეც სამედიცინო ექსპერტიზა მიმდინარეობს. ასევე საქმის ფარგლებში ტარდება ყველა შემხვედრი და აუცილებელი საგამოძიებო და საპროცესო მოქმედება დანაშაულის ჩამდენი პირების მხილებისთვის. გამოძიების საგანი გახლავთ, როოგრც ცალკეულ შემთხვევებში სამსახურეობრივი უფლებამოსილების გადამეტების ფაქტები, ასევე შინაგან საქმეთა სამინისტროს მხრიდან თანაზომიერების პრინციპის დაცვის საკითხი, რაშიც ვგულისხმობ გამოყენებული საპოლიციო ღონისძიება იყო თუ არა აუცილებელი და პროპორციული”, – განაცხადა მუჯირმა.

თბილისის საქალაქო სასამართლოში ლევან იმერლიშვილისთვის აღკვეთის ღონისძიების შეფარდებაზე ამ წუთებში მსჯელებენ. დაკავებულ სამართალდამცველს ბრალი ოფიციალურად გუშინ წაუყენეს.

პროკურატურის ინფორმაციით, საქმეზე ჩატარებული გამოძიების შედეგად მოპოვებული მტკიცებულებებით დგინდება, რომ 2019 წლის 21 ივნისს, გამთენიისას, რუსთაველის გამზირზე, შინაგან საქმეთა სამინისტროს აღნიშნულმა თანამშრომელმა გადაამეტა თავის სამსახურებრივ უფლებამოსილებას და ფიზიკურად იძალადა ადმინისტრაციული სამართალდარღვევის ჩადენისთვის დაკავებულ პირზე.

შინაგან საქმეთა სამინისტროს თანამშრომელი დაკავებულ იქნა სასამართლოს განჩინების საფუძველზე, ძალადობით სამსახურებრივი უფლებამოსილების გადამეტებისათვის, სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით. აღნიშნული მუხლი 5-დან 8 წლამდე თავისუფლების აღკვეთას ითვალისწინებს.

იტვირთბა....