აქციის მონაწილეებმა, პარლამენტის შენობიდან ბიძინა ივანიშვილის ბიზნესცენტრისკენ მსვლელობა დაიწყეს. მსვლელობას წინ უძღვებიან სკუტერზე მსხდომი ახალგაზრდები, რომლებსაც გაშლილი აქვთ ბანერი: „გახარია წადი”.
მათ მსვლელობის დაწყებამდე ჩაფხუტები მოიხსნეს, რაც ერთ-ერთი აქტივისტის თქმით, იმის გამოხატულებაა, რომ ისინი შეუიარაღებლები არიან და მშვიდობიანად, შიშველი ხელებით აწყობენ აქცია-მსვლელობას.
“ეს ნიშნავს, რომ მშვიდობიანად, ჩაფხუტის გარეშე, შიშველი ხელებით მივდივართ”, – აღნიშნა ერთ-ერთმა აქტივისტმა.
შეგახსენებთ, რომ 20 ივნისს პარლამენტში რუსი დეპუტატები იმყოფებობდნენ 26-ე მართმადიდებლობის საერთაშორისო ფორუმის ფარგლებში. რუსეთის დუმი-ს დეპუტატი სერგეი გავრილოვი პარლამენტის სავარძელშ აღმოჩნდა.
ამას მოყვა აქციები, სადაც დეპუტატების საქართველოდან გაძევებასა და პარლამენტის თავმჯდომარის გადაყენებას ითხოვდნენ. აქცია რამდენიმე საათში პოლიციამ ცრემლსადენი გაზის, რეზინის ტყვიებისა და წყლის ჭავლის გამოყენებით დაშალა.
მომდევნო დღეებში მოქალაქეები კვლავ შეიკრიბნენ და მათ სამი მთავარი მოთხოვნა ქონდათ – შს მინისტრის გიორგი გახარიას გადადგომა, პარლამენტის თავმჯდომარის ირაკლი კობახიძის გადადგომა და პროპორციული სისტემით არჩევნების ჩატარება.
კობახიძის გადადგომის შედეგად კიდევ ერთი მოთხოვნა გაჩნდა – აქციის დღეს ყველა დაპატიმრებულის გათავისუფლება, რაც ამ დროისთვის შესრულებულია.
ამის შემდეგ ირაკლი კობახიძემ თანამდებობა დატოვა. პარტიის თავმჯდომარემ ბიძინა ივანიშვილმა განაცხადა, რომ 2020 წლის არჩევენბი პროპორციული სისტემით გაიმართება. თუმცა, კიდევ ერთი მოთხოვნა – გახარიას გადადგომა არ დააკმაყოფილა მმართველმა გუნდმა.