საქართველოს პარლამენტის უკანა შესასვლელთან აქცია იმართება. აქციის მონაწილეები შს მინისტრის, გიორგი გახარიას გადადგომას და პასუხისგებაში მიცემას ითხოვენ.
პარლამენტთან აქციაზე იმყოფებიან პოლიტიკური გაერთიანება „ძალა ერთობაშიას“ ლიდერებიც. მათი თქმით, გიორგი გახარიას თანამდებობიდან გადადგომამდე, დეპუტატებს შენობაში არ შეუშვებენ.
აქციაზე მისულ მოქალაქეებს საყვირები აქვთ მიტანილი და ხმაურით გამოხატავენ პროტესტს.