fbpx
ახალი ამბები მთავარი საზოგადოება

არამართებული მოწოდებებით მიტინგს სახიფათო სახე მიეცა – საპატრიარქო საგანგებო განცხადებას ავრცელებს

პარლამენტის წინ გუშინ საღამოს და დღეს გამთენიისას არსებული დაპირისპირების შესახებ, სადაც ერთმანეთს სპეცრაზმი და მომიტინგეები დაუპირისპირდნენ, საპატრიარქო საგანგებო განცხადებას ავრცელებს, რომელსაც უცვლელად გთავაზობთ:

“დიდია ჩვენი გულისტკივილი პარლამენტთან შუაღამისას განვითარებული მოვლენების გამო, რის შედეგადაც დაშავდა მრავალი ადამიანი, მეტწილად ახალგაზრდები.

ქვეყნის სიყვარულით გულანთებული ათასობით ახალგაზრდა სამშობლოს ღირსების დასაცავად გამოვიდა რუსთაველზე და თავისი სამართლიანი გულისწყრომა გამოხატა პარლამენტის სხდომათა დარბაზში რუსეთის საკანონმდებლო ორგანოს იმ წევრის თავმჯდომარეობის გამო, რომელმაც მხარი დაუჭირა საქართველოს ტერიტორიული მთლიანობის ხელყოფას.

ეს იყო ხელისუფლების შეცდომა, რომელსაც მოჰყვა ხალხის სამართლიანი მშვიდობიანი პროტესტი; მაგრამ არამართებული მოწოდებებით მიტინგს სახიფათო სახე მიეცა, მოვლენები მყისიერად განვითარდა და პარლამენტის შენობის ძალით დაკავების მცდელობაში გადაიზარდა.

ვფიქრობთ, საჭიროა, ხელისუფლებამ სასწრაფოდ გამოიძიოს მიზეზები და სათანადო სტრუქტურებმა, მასმედიამ და ექსპერტებმა  მიუკერძოებელი შეფასებები გააკეთონ როგორც მომხდართან დაკავშირებით, ისე ზოგად-პოლიტიკურ პროცესებთან მიმართებაში, რათა საზოგადოებას არსებული ვითარების  გააზრების საშუალება მიეცეს, შენარჩუნებულ იქნას მშვიდობა და პროცესებმა სამოქალაქო დაპირისპირების სახე არ მიიღოს.

ღმერთმა მოგვცეს ძალა, რომ ჩვენმა ხალხმა ეს გამოწვევები დაძლიოს და მათ ღირსეული პასუხი გასცეს”, – ნათქვამია საპატრიარქოს განცხადებაში.

სხვა ამბები

წვიმა და ელჭექი – მომდევნო დღეების ამინდის პროგნოზი ცნობილია

newsadmin

“თავისუფლება, სამართლიანობა, კეთილდღეობა – ეს სამი იარაღი შლის მავთულხლართებს”

newsadmin

აღმაშენებლის ხეივანზე მომხდარი ავარიის შედეგად, 7 ადამიანი დაშავდა

newsadmin

“რუსული საოკუპაციო ძალების მიერ მიტაცებული სახლის მფლობელებს სახელმწიფო დაეხმარება” – ციხელაშვილი

newsadmin

დღეს, მართლმადიდებლური სამყარო ფერისცვალებას აღნიშნავს

newsadmin

კურიერი – დიმიტრი ქუმსიშვილის შვილს სცემეს, ის ღუდუშაურის კლინიკაშია გადაყვანილის

newsadmin
იტვირთბა....