მრავალი წლის განმავლობაში ვიყავი ერთ-ერთი საერთაშორისო ორგანიზაციის ქართველი წევრი, შავი ზღვის საპარლამენტო ასამბლეის დელეგაციაში. ძალიან კარგად ვიცი, როგორია საერთაშორისო დელეგაციების რეგლამენტი. პარლამენტს არ ევალება, რომ რაღაცა მართმადიდებლური ფორუმის სხდომა ჩაატაროს საქართველოს პარლამენტის შენობაში. მით უმეტეს, სხდომათა დარბაზში. როდესაც ასეთი ვითარებაა, რომ ოკუპანტი ქვეყნის წარომადგენლები არიან, მით უმეტეს, როდესაც წამყვანი ძალა მათ გაერთიანებაში ოკუპანტები არიან, მით უმეტეს, როდესაც სხდომის წაყვანა მოუწევს ოკუპანტ დეპუტატს, რომელიც აფხაზეთისა და სამხრეთ ოსეთის აღიარების მონაწილეა და ამ პროცესების მომხრეა, ვიტყოდი, რომ რბილად რომ ვთქვათ, ეს არის მაამებლობა, მარტო ასე რომ ვფიქრობდე. მე ვფიქრობ, ეს არის საქართველოს ხელისუფლების საშინაო და საგარეო პოლიტიკური კურსის ცვლილების მნიშვნელოვანი შემადგენელი ნაწილი. ფართო კონტექსტში განვიხილადი, – ასე აფასებს “რესპუბლიკური” პარტიის ლიდერი დავით ბერძენიშვილი “მეტრონომთან” საუბრისას საქართველოს პარლამენტში მიმდინარე მართლმადიდებლობის საპარლამენტთაშორისო ასამბლეის 26-ე გენერალურ სესიას, რომელსაც რუსეთის დუმის კომუნისტური პარტიის წევრი სერგეი გავრილოვი პარლამენტის თავმჯდომარის სავარძლიდან უძღვებოდა.
ბერძენიშვილის განცხადებით, ნატოს ხაზის მიმართულებით, ბიძინა ივანიშვილის პოზიცია სკეპტიკურია.
ჯერ ერთი, ირაკლი ალასანიასა და თინა ხიდაშელის შემდეგ, რომ იზორია გეყოლება მინისტრად.. ვხედავთ, რომ ევროატლანტიკური მიმართულებით, თავდაცვის სამინისტროში აქტიურობა. თინას საყვედურებდნენ იმას, რომ კარიდან რომ არ უშვებდნენ ფანჯრიდან შედიოდა ანუ ჩვენი განსაკუთრებული აქტიურობა იყო სწორი და ახლა საერთოდ არაა აქტიურობა, მინისტრი შეხვედრებზეც კიარ დადის. სად არის ევროატლანტიკური თემატიკა იმ ინტერესებით, რაც ადრე იყო? ეს არის ბიძინა ივანიშვილის ხაზი. მე ვიცი ბიძინა ივანიშივლის პოზიციები. ევროკავშირთან ვიზალიბერალიზაციასა და აასოცირებაზე ის დავითანხმეთ და კარგად ვამეცადინეთ, რომ მისი პარტიიდან ხმა მიეცათ ანტიდისკრიმინაიცული კანონისთვის, ჯაჭვლიანსაც კი. სხვანაირად ვიზალიბერალიზაცია ვერ იქნებოდა, ამაზე ივანიშვილი თანახმა იყო.
ნატოსკენ სწრაფვის მიმართ, ივნაიშვილი სკეპტიკური იყო. ახლა რომ დაიგულა, რომ ხელისუფლებაში მოწინააღმდეგები არ ყავს, ანტინატოური ხაზი აიღო და ეს გამოოიხატება, მათ შორის თავდაცვის მინისტრისა და სამინისტროს ქმედებებში.
მეორე, რუსული ნარატივია შარშან კლუბებში შევარდნა და რასაც მაშინ აკეთებდა. გამოიძახა საკუთარი ზონდერ-ბრიგადები ვასაძის ხელმძღვანელობით. ეს ხომ ხელისუფლებისა და საპატრიარქოს კონტროლქვეშ მყოფი ადამიანები არიან, რომელთა ხუფიც რუსეთის ჩეკისტურ ხელისუფლებაშია.
ახლაც იგივე მეთოდი გამოიყენა ლგბტ თემისა და მათი უფლებების დამცველი ადამიანების წინააღმდეგ. თუმცა, უფრო მეტი წინააღმდეგობა მიიღო, უპირველეს ყოვლისა ქართული პოლიტიკისგან. მე მივესალმები, რომ “რესპუბლიკური” პარტია მარტო აღარაა, ეკლესიაში რუსული გავლენის, მაფიოზობისა და ყვლეფის წინააღმდეგ. როდესაც 2 წლის წინ ნინო ბოლქვაძე კანდიდატად დავასახელეთ, ოფიციალურად, ქართულ პოლიტიკურ სპექტრში არ გვყოლია მხარდამჭერი. თუმცა, გულშემატკივრები გაგვიჩნდნენ. ახლა მათი საკმაო ნაწილი სერიოზული პარტნიორები ხდებიან. ჩვენზე ძლიერია “ევროპული საქართველო” და მათი პოზიციები სექსუალური უმცირებოსისა და რაც განსაკუთრებით მახარებს, საპატრიარქოს მხილების საკითხებში, პრაქტიკულად, იდენტურია. მსგავსი პოზიცია აქვს “გირჩს”. ჩემთვის მნიშვნელოვანია, რაც თქვა გრიგოლ ვაშაძემაც, რომ ადამიანებს აქვს შეკრების უფლება, მესმის, რომ “ნაციონალურ მოძრაობაში” შდა დისკუსიები, მაგრამ იქაც ყინული დაიძრა და პარტიის სახელით მათი თავმჯდომარე საუბრობს”, – აცხადებს ბერძენიშვილი.
ბერძენიშვილის განცხადებით, პოლიტიკურ სპექტრში ცვლილებებია და “რესპუბლიკურ” პარტიას უკვე სერიოზული თანამოაზრეები ყავს.
“ამ ვითარებაში, ვხედავთ, რომ სერიოზული ცვლილებებია პოლიტიკურ სივრცეში დემოკრატიისა და ადამიანის უფლებების დაცვის თემებში. მე არ მივესალმები, ვერიდები მკვეთრ გამონათქვამებს პოლიტიკაში, არ მივესალმები, ე.წ. შუაშისტურ არაბიძინისტურ და არა მიშისტურ ჯგუფებს, რომელთაც პირში წყალი ჩაიგუბეს, რომელტაც საპატრიარქოზე ხმა ვერ ამოიღეს და მაქსიმუმია ლევან ვასაძის მოგუდული კრიტიკა. მხარეები არ არიან ლევან ვასაძე და ნინო ბოლქვაძე. მხარეები არიან რუსული პოსტსაბჭოური აგენტები ხელისუფლებაში და მასთან შეზრდილ საპატრიარქოში და მეორე მხარეა ევროატლანტიკური არჩევანის მოსურნე ქართული დემოკრატიული ინსტიტუტები. პროგრესი ყოველთვის უმცირესობაშია და ყოველთვის უმცირესობა უზრუნველყოფს პროგრესს. 40 წლის წინ რომ ვთქვი დამოუკიდებლობა გვინდა-თქო, მაშინ უნდა გენახათ უმცირესობა”, – აცხადებს ბერძენიშვილი.