გირჩი რუსი დეპუტატის სერგეი გავრილოვის საქართველოში ვიზიტსა და პარლამენტის თავმჯდომარის სავარძელში მის ჯდომას აპროტესტებს.
“კომუნისტი რუსი დეპუტატი არის ჩამოსული, ჩამოყვანეს რაც შეფუთვების ქვეშ, მართლმადედებლური ასამბლეა თუ რაღაც. დასვეს სპიკერის სკამზე და იქიდან რუსულ ენაზე მიჰყავს სხდომა. პარლამენტთან ვართ მოსული. ვაპროტესტებთ ამ ადამიანის აქ ყოფნას. მგონია, რომ ეხლა გამოსაყვანი არის ეგრევე ამ შენობიდან, ჩასასმელია მანქანაში და გასაშვებია აეროპორტში.” – განაცხადა ზურაბ ჯაფარიძემ.
ის საზოგადოებას აქციაზე მისვლისკენ მოუწოდებს და აცხადებს, რომ პროტესტის მხოლოდ „ფეისბუქზე“ გამოხატვა საკმარისი არ არის.