საქართველოს პრეზიდენტმა, სალომე ზურაბიშვილმა, საქართველოში ევროკავშირის ელჩის, კარლ ჰარცელის, გამოწვევას უპასუხა.
„სიამოვნებით ვუერთდები ევროკავშირის მიერ ინიცირებულ ნარჩენების შემცირების კამპანიას და ვიღებ საქართველოში ევროკავშირის ელჩის, კარლ ჰარცელის გამოწვევას #გარემოსქმნიშენ
„ჩვენი გუნდის სახელით ვიწვევ: საქართველოს მორაგბეთა ეროვნულ ნაკრებს.
ჯანდაცვის მსოფლიო ორგანიზაციაში (WHO) ევროპის რეგიონის რეგიონული დირექტორობის კანდიდატს, დოქტორ ნატა მენაბდეს.
გაერო-ს სურსათისა და სოფლის მეურნეობის ორგანიზაციის (FAO) გენერალური დირექტორობის კანდიდატს დავით კირვალიძეს, რათა გაგვიზიარონ თავიანთი გამოცდილება ნარჩენების შემცირებაში“, – წერს სალომე ზურაბიშვილი.
ევროკავშირის ელჩმა, კარლ ჰარცელმა ვიდეომიმართვა გაავრცელა, რომელშიც პლასტიკატის გამოყენების შემცირების აუცილებლობაზე საუბრობს. ელჩმა სალომე ზურაბიშვილს, ლევან დავითაშვილს, კახა კუჭავას მიმართა და პლასტიკატის ნარჩენების შემცირების კუთხით საკუთარი გამოცდილების გაზიარებისკენ მოუწოდა.