fbpx
ახალი ამბები მთავარი საზოგადოება

“მთავრობამ სააკაშვილთან კულუარულად მაინც უნდა აწარმოოს მოლაპარაკებები, რომ გარეჯის საკითხზე დახმარება აღმოუჩინოს” – მელია

ნაციონალური მოძრაობის ერთ-ერთმა ლიდერმა ნიკა მელიამ დავით გარეჯის საკითხზე კომენტირებისას, განაცხადა, რომ „ქართულ ოცნებაში“ სახელმწიფოებრივად მოაზროვნეები თუ არიან, სააკაშვილთან კულუარულად მაინც უნდა აწარმოონ მოლაპარაკებები, რომ დავით გარეჯის საკითხზე დახმარება აღმოუჩინოს

ამასთან, ნიკა მელიას თქმით, სალომე ზურაბიშვილი პრობლემის სათავე და არა მარტო დავით გარეჯთან მიმართებაში.

„შეუძლებელია, ქალბატონი ზურაბიშვილი პრეზიდენტის რანგში მოღვაწეობდეს და მან სახელმწიფოს პრობლემა არ შეუქმნას. ზურაბიშვილი და პრობლემები არის თანმდევი. აზერბაიჯანი თავისას ცდილობს და თავისი ვიწრო სახელმწიფოებრივი ინტერესებით მოქმედებს.

აზერბაიჯანმა დაინახა, რომ თბილისში პატრონი არ ჰყავს ქვეყანას. ათწლეულების განმავლობაში ის სადავო ტერიტორია, რაც გაყინული იყო და დავიდარაბა არ იყო, ვხედავთ, ახლა რით დამთავრდა. რატომ? – იმიტომ რომ აზერბაიჯანი ცდილობს, თავის სახელმწიფოებრივ ინტერესს მიაღწიოს და სად არის ჩვენი სახელმწფო ინტერესი, სად არის ჩვენი ხელისუფლება? არაა. არ არის არც სახუმარო, არც სასაცილო ჩვენი ხელისუფლების პირობებში მსგავს პრობლემას ადგილი არ ჰქონდა და თუ ჰქონდა, მალევე წყდებოდა და ამას ახერხებდა ქვეყნის მესამე პრეზიდენტი, მიხეილ სააკაშვილი თავისი ურთიერთობებიდან გამომდინარე, თავისი გამოცდილების გათვალისწინებით. ის ახერხებდა, საქართვლოს სახელით მოლაპარაკება ეწარმოებინა აზერბაიჯანთან ისე, რომ ერთი მხრივ, საქართველოს სახელმწიფო ინტერესები ყოფილიყო დაცული და სტრატეგიული მეზობლის ინტერესებიც არ ყოფილიყო უგულებელყოფილი. თუ „ქართულ ოცნებაში“ არიან სახელმწიფოებრივად მოაზროვნეები, არ უნდა მოერიდოთ, კულუარულად მაინც უნდა აწარმოონ მოლაპარაკებები სააკაშვილთან, რომ იქნებ, ამ გზაზე მათ დახმარება აღმოუჩინოს“, – განაცხადა ნიკა მელიამ.

შეგახსენებთ, რომ დღეს დავით გარეჯის ტერიტორიაზე სასულიერო პირებისა და სამოქალაქო აქტივისტების აქცია სახელწოდებით “გარეჯი საქართველოა, კავკასია კი – ჩვენ სახლი” მიმდინარეობს.

სხვა ამბები

“ვინც ხაზარაძეს კონკურენტად მიიჩნევს, უნდა გააცნობიეროს, რომ მისი წარმატება სასიცოცხლიდ მნიშვნელოვანია”

newsadmin

შავი ზღვის სანაპიროზე 3-დან 4 ბალამდე შტორმი ფიქსირდება

newsadmin

მაკრონმა G7-ს მოუწოდა, ამაზონის ჯუნგლების საკითხზე იმსჯელონ

newsadmin

დელფინების გამორიყვის ფაქტებთან დაკავშირებით გარემოს ეროვნული სააგენტო კომპლექსურ კვლევებს ატარებს

newsadmin

“ტვ პირველის არსებობა – დღეს უდრის ქართულ დემოკრატიას!”

newsadmin

სოფელ საყავრესთან ტყის ხანძარის ქრობის სამუშაოებში მესამე ვერტმფრენი ჩაერთო

newsadmin
იტვირთბა....