ბორჯომის ხეობაში, კერძოდ სოფელ საკირეში შერეული ტყის მასივი იწვის. ჩაქრობის პროცესში შინაგან საქმეთა სამინისტროს სასაზღვრო პოლიციის ვერტმფრენი ჩაერთო. ამასთან ადგილობრივი მეხანძრეების 100-ზე მეტი ეკიპაჟი ჩართულია ცეცხლის ჩაქრობის პროცესში.
ინფორმაცია ხანძრის შესახებ ცენტრ “112”-ში შევიდა.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილის „ა“ პუნქტით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს. დანაშაული 5 წლამდე თავისუფლების აღკვეთას ითვალისწინებს.