“ამ ყოვლად უცნაური ქმედების ფონზე, საქართველოს ხელისუფლების ადგილზე დავფიქრდებოდი: სალომე ზურაბიშვილი ხომ არ ამზადებს ნიადაგს “ოცნების” ხელისუფლებიდან ჩამოსაშორებლად ანუ უბრალოდ ძირს ხომ არ უთხრის “ოცნებას”. აბა იმას ხომ არ იფიქრებ: ამ ფორმით ტრამპთან შეხვედრას ჩალიჩობსო, რას გაუგებ მის ექსტრავაგანტულობას”.
ხათუნა ლაგაზიძე, პოლიტოლოგი
საქართველოს პრეზიდენტის, სალომე ზურაბიშვილის Twitter-ის ოფიციალურ ანგარიშზე 29 აპრილს გააზიარა აშშ-ის პრეზიდენტის, დონალდ ტრამპის პოსტი, რომელშიც ტრამპი წერდა:
„მძინარა ჯო ბაიდენი დღეს პირველ აქციას მართავს პენსილვანიაში”…
მოგვიანებით, საქართველოს პრეზიდენტის პრესსპიკერმა, ხატია მოისწრაფიშვილმა ნეტგაზეთს განუცხადა, რომ დონალდ ტრამპის პოსტი, სადაც ის ჯო ბაიდენს „მძინარას“ უწოდებს, სოციალური მედიის მენეჯერმა შეცდომით გააზიარა პრეზიდენტის ტვიტერის ოფიციალური ანგარიშიდან.