aviabiletebi
ახალი ამბები მთავარი საზოგადოება სამართალი

“იმის მაგივრად, რომ გახარია კრიმინალს, ზუგდიდში ოპონენტების დევნითაა დაკავებული” – უდუმაშვილი

aviabiletebi
ავიაბილეთები

“ერთიანი ნაციონალური მოძრაობის“ პოლიტიკური საბჭოს წევრმა, ზაალ უდუმაშვილმა სამეგრელოში განვითარებულ მოველენებთან დაკავშირებით დღეს გამართულ ბრიფინგზე ისაუბრა.

მისი თქმით, იმის მაგივრად, რომ შს მინისტრი კრიმინალს ებრძოდეს და საქართველოს მოსახლეობის უსაფრთხოებას იცავდეს, ზუგდიდში პოლიტიკური ოპონენტების დევნით და არჩევნების გაყალბების მცდელობითაა დაკავებული:

„იმის მაგივრად, რომ შს მინისტრი ებრძოდეს კრიმინალს და იცავდეს საქართველოს მოსახლეობის უსაფრთხოებას, ის ზუგდიდში დაკავებული არის პოლიტიკური ოპონენტების დევნით და არჩევნების გაყალბების მცდელობით. ბოლო კვირების განმავლობაში “ოცნების” შტაბის უფროსები და მათი აქტივისტები, მათ შორის, კრიმინალური წარსულის მქონე პირებიც, აქტიურად ცდილობენ ხელი შეუშალონ სანდრა რულოვსის კარდაკარ შეხვედრებს. ამის მაგალითები ჩვენ ვნახეთ კომბინატის დასახლებაში, სოფლებში – ურთაში, ნარაზენში, ჭითაწყარში. უფრო მეტიც, პოლიციის თანამშრომლები, რომლებსაც უშუალოდ ხელმძღვანელობს ზუგდიდის პოლიციის უფროსი, ირაკლი ფაცაცია, ახორციელებენ სანდრა რულოვსის და გაერთიანებული ოპოზიციის შტაბის წევრების მიმართ უკანონო თვალთვალს,“ – განაცხადა უდუმაშვილმა.

ოპოზიციონერების თქმით, მიუხედავად იმისა, რომ დევნის ამსახველი ფაქტების შესახებ სამართალდამცავები საქმის კურსში ჩააყენეს, მათ გაერთიანებული ოპოზიციის წევრებს წაუყენეს ბრალი და დააჯარიმეს.

უდუმაშვილი ოპონენტების დევნაში შს მინისტრს ადანაშაულებს და აცხადებს, რომ წინასაარჩევნო პერიოდში გიორგი გახარიას დავალებებს ზუგდიდში მისი მოადგილე, ლევან კაკავა ასრულებს.

„სამართალდამცავმა ორგანოებმა ამ ფაქტზე არათუ გამოძიება არ დაიწყეს, არამედ ოპოზიციური პარტიის წარმომადგენლების წინააღმდეგ წამოიწყეს დევნა და მურუსიძის მიერ მართულმა სასამართლომ პოლიტიკური გადაწყვეტილება გამოიტანა და პირიქით, ჩვენი, გაერთიანებული ოპოზიციის, წარმომადგენლები დააჯარიმა. ეს მოსამართლეები გახლავთ ირაკლი აბშილავა და მანუჩარ ჩაჩუა. საერთოდ, რაზე ვსაუბრობთ, როდესაც გუშინ სოფელ გრიგოლიშში, “ოცნების” შტაბის უფროსმა მძიმე დაჭრა ასევე “ოცნების” აქტივისტი. ამ უკანონობას პირადად ხელმძღვანელობს შს მინისტრი გიორგი გახარია, რომლის უშუალო მითითებებსაც ადგილზე ასრულებს მისი მოადგილე ლევან კაკავა, რომელიც წინასაარჩევნო პერიოდის უდიდეს ნაწილს ატარებს სწორედ ზუგდიდში. ეს მაშინ, როდესაც ქვეყანაში კრიმინალი დაახლოებით, 60 პროცენტით არის გაზრდილი,“ – განაცხადა ზაალ უდუმაშვილმა.

ზაალ უდუმაშვილმა ბრიფინგზე გაერთიანებულ ოპოზიციას და ქართულ ოცნებას შორის არსებულ მთავარ განსხვავებებზეც ისაუბრა.

იტვირთბა....